Monday , July 15 2024
nakaw burglar thief

P2-M alahas tinangay ng nag-iisang akyat-bahay sa QC

UMABOT sa halos mahigit P2 milyong halaga ng mamahaling alahas ang natangay ng nag-iisang akyat bahay na nanloob sa tahanan ng isang negosyante sa Quezon City, nitong Linggo ng gabi.

Kinilala ni Quezon City Police District (QCPD) District Director, BGen. Remus Medina ang mga biktimang sina Richardson Chua Hernandez, 36 anyos, businessman, at live-in partner na si Shane Patiag Baredo, kapwa residente sa Brera St., Casa Milan, Brgy. Greater Lagro, Quezon City.

Sa report ni P/SSgt. Manuel Calampiano ng QCPD Pasong Putik Proper Police Station (PS-16) bandang 8:19 ng gabi, 13 Pebrero, nang looban ng nag-iisang ‘di kilalang lalaki, nakasuot ng orange t-shirt, nasa pagitan ng edad 25-30 anyos, may taas na 5’2, ang tahanan ng mga biktima sa nasabing barangay.

Batay sa imbestigasyon ni P/SSgt. Calampiano, nasa lobby ng kanilang tahanan ang mga biktima kasama ang kanilang pamilya at walang kaalam-alam na pinasok na sila ng akyat bahay.

Base sa CCTV footage, nakapasok ng bahay ang kawatan sa pamamagitan ng pag-akyat sa bintana ng banyo na nasa ikalawang palapag at mabilis na tinungo ang silid ng mga biktima saka nilimas ang mamahaling alahas na nasa closet.

Natangay ng suspek ang ang tatlong Rolex watch brand na nagkakahalaga ng P1,700,000, assorted gold jewellery at diamond ring, earing at necklace, may halagang P700,000, na umaabot sa P 2,500,000.

Masusi pang nagsasagawa ng imbestigasyon ang mga awtoridad upang kilalanin ang nakatakas na kawatan. (ALMAR DANGUILAN)

About Almar Danguilan

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …