Thursday , May 26 2022
arrest, posas, fingerprints

3 Chinese nationals arestado sa kidnapping

ARESTADO ang tatlong Chinese nationals sa ikinasang rescue operation ng mga awtoridad sa dalawa nilang kababayan na sinabing kinidnap at sinaktan, sa Parañaque City, nitong Sabado ng umaga, 12 Pebrero 2022.

Kinilala ni Southern Police District (SPD) director P/Brig. General Jimili Macaraeg ang tatlong suspek na sina Jiang Jialin, 22 anyos; Wang Lei, 27, HR Officer ; at Wu, Jin Ku, 24 ,tattoo artist.

Inakusahan ng kidnapping with serious illegal detention ang tatlong Chinese nationals.

Sa ulat, nabatid na ikinasa ng mga tauhan ng Pasay City Police sa pangungu1na ni P/Maj. Ryan Salazar ang rescue operation sa EMC Building, Parañaque City na matatagpuan sa Lt. Garcia, Barangay Baclaran, Parañaque City dakong 9:20 am nitong Sabado, 12 Pebrero.

Nailigtas ang biktimang si Genshen Lu, na sinabing dinukot noong nitong 7 Pebrero 2022 sa kanyang condominium.

Kasabay ng pagtulong kay Lu, nasagip din sa kamay ng mga suspek ang dalawa pang biktima ng kidnapping na sina Yinglong Zhao, sinabing dinukot noong 11 Pebrero 2022 sa Pasay City; at Wei Ming Han, noong 9 Pebrero 2022 sa Parañaque City.

Nakompiska sa mga suspek ang limang yunit ng posas.

Batay sa imbestigasyon, nabulgar na bukod sa pagkakait na makalabas, sinasaktan umano ang mga biktima.

Ani Macaraeg, tututukan nila ang paghahanap sa mga suspek na sangkot sa serye ng pagkawala ng Chinese nationals.

Palalakasin ang imbestigasyon sa tumataas na bilang ng kidnapping laban sa Chinese nationals sa southern district, pahayag ng SPD Director. (GINA GARCIA)

About Jaja Garcia

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …