Saturday , May 28 2022

Sinopla ng US
FBI’s ‘QUIBOLOY WANTED’ POSTER WALANG KINALAMAN SA PH POLLS

021022 Hataw Frontpage

ni ROSE NOVENARIO

WALANG kinalaman sa umuusad na presidential campaign para sa 2022 elections ang paglalabas ng Federal Bureau of Investigation (FBI) ng wanted poster ni Kingdom of Jesus Christ (KOJC) founder Pastor Apollo Quiboloy bunsod ng tambak na kasong kriminal gaya ng child sex trafficking sa Estados Unidos.

Sa opisyal na pahayag ng US Embassy, binigyan diin na ang ‘Quiboloy Wanted’ poster ay bunga ng ilang taong pagsusu­mikap ng mga awtoridad sa Amerika.

“The FBI’s (Federal Bureau of Investigation) release of a wanted poster for Kingdom of Jesus Christ founder Pastor Apollo Quiboloy follows a multiyear effort by law enforcement,” anang US Embassy.

“It is unrelated to the Philippines’ ongoing presidential campaign.”

Ang pahayag ng US Embassy ay kasunod ng akusasyon ng kampo ni Quiboloy na kaduda-duda ang timing ng paglalabas ng FBI ng wanted poster ng KOJC founder na halos isinabay sa pagsisimula ng official campaign period para maapektohan ang  kandi­datura ng tambalang Marcos-Duterte lalo na’t spiritual adviser ni Pangulong Rodrigo Duterte si Quiboloy.

Inilabas kamakailan ng FBI sa kanilang website ang wanted poster ni Quiboloy bunsod ng mga kasong  “conspiracy to engage in sex trafficking by force, fraud and coercion, and sex trafficking of children; sex trafficking by force, fraud and coercion; conspiracy; bulk cash smuggling.”

Kaugnay nito, sa ulat ni Bombo International News Correspondent Marlon Pecson mula sa Chicago, Illinois, sinabi niyang  mabilis na ku­mikilos ang Estados Unidos upang hindi ma-access ni Quiboloy ang kaniyang mga ari-arian sa Amerika.

Nauna rito’y napa­ulat, nais ng mga awtori­dad sa Amerika na kompiskahin ang mga ari-arian ni Quiboloy dahil ito’y ‘ill-gotten.’

Itinuturing ng FBI na “ill-gotten” ang properties ni Quiboloy sa US dahil resulta ito ng mga ginawang krimen.

Kabilang sa mga nanganganib na makom­piskang ari-arian ni Quiboloy sa Amerika ay ang Cessna Citation Sovereign, isang private aircraft na may current market value na $18 million, isang Bell 429 helicopter, ilang luxury cars at real estate properties, gaya ng million-dollar mansion sa Calabasas, California.

May mga bahay din umano si Quiboloy sa Las Vegas, Nevada at sa Kapolei, Hawaii, at ang main headquarters ng KOJC na may address sa US na 14400 Block of Vanowen Street, Van Nuys, California.

Nagsimula umanong subaybayan ng US authorities ang mga aktibidad ni Quiboloy mula nang madetine ng isang araw sa Honolulu noong 13 Pebrero 2018 makaraang matuklasan ng customs officials sa kanyang luggage ang gun parts,  US $335,000 US dollars cash at $9,000 Australian dollars sa kanyang private aircraft.

Sa panayam sa Teleradyo kamakalawa, tiniyak ni Foreign Affairs Undersecretary Brigido Dulay, hindi maka­aapekto ang ugnayan ni Quiboloy kay Pangulong Duterte sa pagproseso ng DFA sa extradition ng KOJC founder.

“Alam mo kami, we always implement it naman objectively ‘no, color-blind kami as to the whatever political implications, if they have, kasi naman, required naman talaga kami na color-blind kami ano, because we are following the treaty,” sabi ni Dulay.

“Simple naman ‘yung treaty, malinaw naman ‘yung nakasulat doon so ang trabaho naman talaga ng Department of Foreign Affairs, true to its mandate, is to process it according to the treaty. ‘Yun lang ang talagang trabaho namin,” giit niya.

“Pag hindi natin ginawa nang maayos ‘to, we will lose our credibility in the international community pagdating sa mga enforcement of treaties. Mahirap naman yon.”

Hanggang sa ngayon ay wala pang natatang­gap na extradition request ang gobyerno ng Filipinas mula sa Estados Unidos.

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …