Monday , July 22 2024
YANIG ni Bong Ramos
YANIG ni Bong Ramos

Anyare sa mga sabungerong nawawala?

YANIG
ni Bong Ramos

ANO na nga ba ang nangyari sa mga sabungerong nawawala may tatlong linggo na ang nakalilipas?

Sa unang mga ulat, napag-alaman na anim sabungero mula sa Tondo ang nawawala. Matapos ang kulang isang linggo, sinabi ng CIDG na hindi lang anim kundi 26 sabungero na ang nawawala.

Hanggang sa kasalukuyan, wala pa rin balita sa kinaroroonan nila, hindi mo tuloy malaman kung buhay pa o patay na o naglaho na lamang na parang bula.

Napag-alaman din na ang lahat ay sinundo o dili kaya ay dinukot matapos magsabong sa Manila Arena sa Sta. Ana, Maynila.

Matapos ang insidente ay wala nang naging balita hinggil sa insidenteng pinaniniwalaang sindikatohan sa nasabing sabungan.

Sinabi rin ng ilang saksi na matapos ang dukutan ay ibinalik pa raw sa Manila Arena sa hindi pa malamang dahilan.

Iyon daw ang huling eksena bago tuluyang nawala at hindi na muling nakita ang mga sabungero.

Malaki ang paniniwala ng pamilya at mga kamag-anak nila na patay na ang kanilang mga mahal sa buhay at marahil ay binaon na lang sa isang liblib na lugar.

Ayon naman sa mga awthoridad, malaki raw ang posibilidad na sangkot ang mga sabungero sa game fixing sa larangan ng sabong.

Malamang daw na may kinalaman sila sa paglalaban ng mga manok na tiyope o mga manok na bigla na lamang tatakbo at hindi na nakukuha pang lumaban sa mga manok na katunggali.

Ang iba namang sabungero kung hindi man ganito ang modus ay malaki ang mga utang sa mga sindikato at mga taong nagpapalakad sa nasabing arena.

Mahiwaga at talagang misteryoso ang kinasasangkutan ng mga nawawalang sabungero kung kaya’t hanggang ngayon ay hindi pa rin sila nakikita.

Maaari rin daw malakas ang koneksiyon ng taong nagpapalakad sa sabungan kung kaya’t hindi na ito masyadong pinag-uukulan ng panahon ng mga awtoridad.

TATLONG HARI ESTE TSERMAN

SA PLAZA MIRANDA,

MALAKAS SA ADMINISTRASYON?

Malakas daw at malapit sa administrasyon na nagpa-palakad sa lungsod ng Maynila ang tatlong tserman na mga hari sa Plaza Miranda.

Ito ang hayagang sinabi ng mga vendor kung kaya’t wala rin daw mangyayari sa mga idinaraing nilang problema hinggil sa araw-araw na ‘tarang’ sinisingil sa kanila.

Naglalaro raw mula P100 hanggang P300 ang sini-singil sa kanila araw-araw na lubha nilang iniinda.

Halos ang ‘tatlong hari’ na lamang ang kanilang pinagtratrabaho sa araw-araw na ginawa ng Diyos.

Ito raw ang madalas nilang pinagtatalunan at kung minsan ay pinagmumulan ng mainit na argumento at gulo.

Sa mga unang ulat, ang tatlong haring tinutukoy nila ay sina Chairman Tez, Chairman Yes, at Chairman Bunny na umano’y kanilang hepe at team leader.

Super-lakas daw kay Yorme lalong-lalo na si Chairman Bunny na nagsasabing walang mangyayari sa kanilang mga hinanaing dahil malapit na malapit daw siya sa una.

Hindi raw sila magtataka kung dedmahin lang ang kanilang idinudulog na mga problema dahil maaari ngang super ang koneksiyon kay Yorme.

Totoo naman kaya ang mga sapantahang ito ng mga vendor? Malalaman natin iyan sa susunod na kabanata.

About Bong Ramos

Check Also

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …