Friday , May 27 2022
Gun Fire

Suspek na bumaril sa Grade-12 student nasakote sa Kankaloo

BINARIL hanggang mapatay ang isang 20-anyos Grade 12 student noong Linggo ng madaling araw sa Caloocan City.

Sa ginawang follow-up operation ng pulisya sa Valenzuela City, kahapon ng madaling araw, agad naaresto ang suspek na kinilalang si Mark Roland Abrazaldo, 19 anyos, residente sa D. Arellano St., Brgy. 133, Bagong Barrio ng nasabing lungsod.

Ayon kay Caloocan City police chief P/Col. Samuel Mina, nadakip ng mga tauhan ng Bagong Barrio Police Sub-Station sa pangunguna ni P/Lt. Julius Villafuerte ang suspek dakong 2:00 am sa Phoenix gas station NLEX Service Road, Brgy. Paso De Blas, Valenzuela City.

Hindi narekober ng pulisya sa suspek ang baril na ginamit sa pagpatay kay Angelo Catalan, 20 anyos, ng Kagitingan Alley, Bagong Barrio, ngunit, ang berde at dilaw na hiphop na suot niya nang mangyari ang krimen ay nakuha sa kanya.

Sinabi ni Mina, ilang mga saksi ang nakakita sa biktima na hinahabol ni Abrazaldo at kanyang hindi kilalang kasama dakong 1:30 am sa Sigarillas Alley, Brgy. 133 at nang makorner ay binaril si Catalan nang malapitan sa ulo.

Matapos ang insidente, mabilis na tumakas ang mga suspek patungong Bitsuellas Alley habang isinugod ng nagrespondeng mga tauhan ng Bagong Barrio Police Sub-Station ang biktima sa pinakamalapit na hospital ngunit idineklarang dead upon arrival.

Sa kasakuluyan, inaalam ng pulisya ang motibo sa insidente habang patuloy ang follow-up operation para sa agarang pagkakaaresto sa kasama ng suspek. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …