Wednesday , July 17 2024
Cristy Fermin Ping Lacson

Matapang, malinaw, madiin na sagot ni Ping hinangaan ni Cristy Fermin

SHOWBIZ KONEK
ni Maricris Valdez Nicasio

PUMASA sa panlasa ng kilalang writer at radio host na si Cristy Fermin angmga naging kasagutan ni presidential candidate Senator Ping Lacson sa katatapos na  PANATA Sa Bayan, The KBP Presidential Forumna napanood kamakailan sa Cignal OnePH at sa 300 estasyon ng radyo, telebisyon, You Tube, at Facebook.  Bukod kay Lacson, dumalo rin ang iba pang presidential candidates na sina Mayor Isko Moreno, Sen Manny Pacquiao, VP Leni Robredo, at Ka Leody de Guzman

Bukod tanging si  dating Senador Bongbong Marcos lang ang hindi tumanggap sa imbitasyon.

Ani Tita Cristy, naitawid ng mga kandidato ang mga katanungang ibinato sa kanila. Nakatawag-pansin sa kanya ang mahusay na pagsagot ni Ping na aniya’y, “kung thinking Pinoy ka na nagmamalasakit sa bayan mo, kung Filipino kang nangangarap na mapabuti ang kalagayan ng bansa mo sa susunod na anim na taon, si Senator Ping Lacson ang iboboto mo.”

Sinabi pa ng mahusay na manunulat na alam ng mga panelist ang pinasok nilang lungga, pati ang mga isinasaad ng batas, pero sa kanilang mga sagot ay mapipisil agad kung sino sa kanilang lahat ang nakakonek sa taumbayan.

Panalong-panalo talaga si Ping dahil sinabi pa ni Tita Cristy na direktang nasasagot ng Senador ang kahit anong tanong, hindi nagpapaligoy-ligoy. “May natitira pa nga siyang ilang segundong nakalaan para sa kanya, pero pakiramdam mo’y busog na busog ka na sa kanyang mga isinasagot.”

Sinabi pa ng host-writer, “marami kaming tanong, tulad din ng ating mga kababayan, na sa isang programa lang ay naitawid ng senador ang mga tugon. Lahat ng aspeto ay sinakop niya—disiplina, korapsiyon, ang pagkalugmok sa utang ng ating bayan, pagbibigay ng trabaho sa mga nawalan—lahat-lahat ay malinaw niyang  natugunan.

”Matapang. Malinaw. Madiin. Walang pagpapaikot-ikot. Kung thinking Pinoy ka, paalala ng aming kaibigan, ay alam na natin kung sino ang karapat-dapat maupo sa makapangyarihang silya ng Palasyo.” 

About Maricris Valdez Nicasio

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Jess Martinez Wilma Doesnt Noreen Divina

Jess Martinez mukha ng Skinlandia

RATED Rni Rommel Gonzales GUMAGANAP bilang si Diwata sa Abot Kamay na Pangarap ang magandang female star …

Willie Revillame Coco Martin Julia Montes 

Willie ibinuking relasyong Coco at Julia 

SHOWBIZ KONEKni Maricris Valdez Nicasio HALATANG walang malisyang nabitawan ni Willie Revillame ang ukol sa sinasabi ng …