Saturday , May 28 2022
Fake Covid-19 Vaccine card
Fake Covid-19 Vaccine card

Pekeng vaxx card ibinenta
BABAE TIMBOG SA BUKIDNON

ARESTADO ang isang babae matapos mahuling nagbebenta ng pekeng CoVid-19 vaccination cards sa bayan ng Manolo Fortich, lalawigan ng Bukidnon, nitong Biyernes, 5 Pebrero.

Kinilala ni Bukidnon Police Provincial Office (BukPPO) spokesperson P/Capt. Jiselle Longakit ang suspek na si Sharlyn Abdul, 20 anyos, nahuli sa aktong nagbebenta ng dalawang pekeng vaccination cards sa halagang P700 sa mga undercover na pulis sa ikinasang entrapment operation sa Mulberry, Brgy. Tankulan, sa naturang bayan noong Biyernes.

Dinakip si Abdul sa presensiya ng Municipal Health Office (MHO) sa pamumuno ni Katrina Tilap, public health nurse, at Brgy. Tankulan Kagawad Allan Imprugo.

Sa panayam sa telepono, sinabi ni P/Maj. Carlito Chua, Jr., hepe ng Manolo Fortich MPS, sinimulan nilang manmanan ang suspek noong 25 Enero matapos iulat ng isang tauhan ng MHO sa pulisya ang posibleng pagbebenta niya ng pekeng vaccination cards.

Ani Chua, ipinakita ng isang residente ng Brgy. Dalirig ang pekeng vaccination card sa isang vaccinator mula sa MHO.

Dagdag ng hepe ng pulisya, ang nakatatandang kapatid ng suspek na si Salmina Musa ang target ng operasyon ngunit si Sharlyn ang naabutan ng mga awtoridad na gumawa ng transaksiyon.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …