Friday , May 27 2022
Rowena Guanzon Rappler Talk

DQ CASE NI BBM, ‘HELLO GARCI’ IN THE MAKING
Proteksiyon para kay Guanzon, hirit ng Bayan

DAPAT bigyang proteksiyon si Commission on Elections (Comelec) Commissioner Rowena Guanzon dahil ‘vital witness’ siya sa impormasyon na may politikong nag-iimpluwensiya sa First Division ng poll body na magpapasya sa disqualification case laban sa anak ng diktador at Partido Federal ng Pilipinas (PFP) standard presidential bet Ferdinand “Bongbong” Marcos, Jr.

Pahayag ito ni Bagong Alyansang Makabayan (Bayan) secretary-general Renato Reyes, Jr., kasunod ng panawagan ng PFP sa Comelec na imbestigahan si Guanzon dahil sa pagsasapubliko ng kanyang boto pabor sa diskalipikasyon ni Marcos, Jr., at pagbatikos sa tila pananadya ng First Division na i-delay ang paglalabas ng desisyon at hinihintay ang kanyang pag-retiro sa susunod na linggo.

“She (Guanzon) should be protected dahil vital witness nga. Ngayon lang nangyaring may Comelec commissioner ang nagsisiwalat na may nang- iimpluwensiya . Usually ‘yung ibang commissioner ang nasasangkot sa kaso dahil nagpaimpluwesiya,” ani Reyes sa panayam ng Hataw D’yaryo ng Bayan.

“This could be another Hello Garci in the making. Reminiscent ito ng Hello Garci, politikong nang-iimpluwensiya sa commission,” dagdag niya.

Nanawagan si Reyes sa pamahalaan na ang imbestigahan ay ang politikong nakikialam at hindi si Guanzon na siyang testigo.

“Who is this politician trying to influence the Comelec? Shouldn’t there be an investigation by the en banc and shouldn’t this politician be cited in contempt?”

Naniniwala si Reyes na ang legal battle ay mapupunta mula sa Division tungo sa Comelec en banc hanggang sa Korte Suprema.

“The legal battle will ultimately shift from the Division to the Comelec en banc and the Supreme Court. The people should actively raise their continuing objection to the candidacy of Marcos, Jr,” aniya.

Sa kalatas, sinabi ng PFP na dapat ma-disbar, tanggalin ang retirement benefits at lifetime pension ni Guanzon dahil iniligwak ang kanyang desisyon sa DQ case ni Marcos, Jr., at nagdulot umano ng mantsa sa reputasyon ng Comelec.

Magugunitang niyanig ng Hello Garci scandal ang administrasyon ni dating Pangulong Gloria Macapagal-Arroyo sanhi nang pagligwak ng kanilang pag-uusap sa telepono ni noo’y Comelec Commissioner Virgilio Garcillano habang ginaganap ang bilangan sa katatapos na 2004 presidential elections. (ROSE NOVENARIO)

About Rose Novenario

Check Also

“Sambigkis Laban sa Kriminilidad” inilunsad sa Laguna

“Sambigkis Laban sa Kriminilidad” inilunsad sa Laguna

Pomal na inilunsad nitong Martes nga hapon, 24 Mayo, ang Sambigkis Advocacy Support Group kasabay …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

7 illegal E-sabong, naipasara na — DILG

Naipasara na ang pitong e-sabong websites na ilegal na nag-o-operate, matapos ipag-utos ni Department of …

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …