Saturday , May 28 2022
Ping Lacson Isko Moreno Manny Pacquiao Leni Robredo

Presidential interviews, malayo sa sikmura ng batayang masa

WALANG isyung naka­dikit sa sikmura ng batayang masa na itina­nong sa Jessica Soho presidential interview kamakalawa ng gabi.

Ilang political observers ang desma­yado dahil hindi nata­nong sa apat na nanga­ngarap maluklok sa Malacañang ang kani­lang paninindigan hinggil sa isyu ng wage hike, presyo ng bilihin, singil sa koryente, tubig at telekomunikasyon, agrikultura, kalagayan ng health workers, hina­ing ng sektor ng trans­por­tasyon at agrikultu­ra, walang humpay na oil price hike, at ano ang plano nila tungo sa pagwawakas ng CoVid-19 pandemic.

“Kung ano ang plano ng presidentiables sa mga isyu na malapit sa sikmura ng masa ang gustong marinig ng mga botante. Diyan umiinog ang buhay nila sa araw-araw kaya mas interesado silang malaman ang plano ng mga aplikanteng ma­ging susunod na pangulo ng Filipinas hanggang 2028,” sabi ng isang political observer.

Kabilang sa mga usapin na tinalakay sa The Jessica Soho Presidential Interviews na nagkaisa sina Vice President Leni Robredo, Manila Mayor Isko Moreno,  senators Manny Pacquiao at Panfilo Lacson ay dapat isa­publiko ang Statement of Assets, Liabilities and Net Worth (SALN), at medical records ng Pangulo ng bansa.

Aprub din ang apat na presidentiables sa isyu ng  joint exploration sa West Philippine Sea (WPS), muling pagsali ng Filipinas sa International Criminal Court (ICC) at pagpapatuloy ng Visiting Forces Agreement (VFA) kasama ang Amerika.

Bagama’t kahanga-hanga ang paraan ng pagtatanong ni Soho ay napuna ng political observers na tila naga­mit ng ilang presidentiables ang pana­yam upang ipagtanggol ang sarili o maghugas-kamay sa mga isyung kinasang­kutan lalo na’t walang ipinukol na follow-up questions sa kanila.

Mas may tsansa pang matalakay ang mga isyung malapit sa puso ng ordinaryong mamamayan sa susunod na paghaharap ng presidentiables sa itatakdang debate ng Commission on Elections (Comelec) bago idaos ang halalan sa 9 Mayo 2022.

(ROSE NOVENARIO)

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …