Saturday , June 10 2023
Bulacan Police PNP

Serye ng operasyon ikinasa ng PNP Bulacan; 1 patay, 9 arestado

BUMULAGTA ang isa sa mga hinihilang tulak ng ilegal na droga habang nadakip ang siyam na iba pa sa serye ng mga anti-drug sting na ikinasa ng pulisya sa iba’t ibang lugar sa lalawigan ng Bulacan, nitong Miyerkoles, 19 Enero.

Kinilala ni P/Col. Rommel Ochave, acting provincial director ng Bulacan PNP, ang napatay na suspek na si Rolando Hallasgo, alyas Tisoy. 

Batay sa ulat, unang nagpaputok ng baril si alyas Tisoy matapos ang napagkasunduang transaksiyon sa droga sa Sitio Panaklayan, Pabahay 2000, Brgy. Muzon, San Jose del Monte, dakong 10:55 pm, kamakalawa.

Dito napilitang gumanti ng putok ang mga alagad ng batas na nagresulta sa pagkamatay ni alyas Tisoy, samantala nagawang makatakas ng kaniyang kasabwat.

Narekober ng mga awtoridad sa pinangyarihan ang pitong pakete ng hinihinalang shabu, mga basyo at bala, buy bust money, isang Rusi Flair motorcycle, at isang cellpohne.

Samantala, sa ikinasang buy bust operations ng mga operatiba ng Station Drug Enforcement Unit (SDEU) ng Plaridel, Pandi, at San Rafael MPS, nasukol ang anim na hinihinalang tulak na kinilalang sina Simplicio Castillo, Jr., alyas Bong, ng Brgy. Bulihan, Plaridel; Rodante Rodriguez, alyas Nonoy, ng Brgy. San Roque, Pandi; Edison Aguilar, alyas Nad, ng Brgy. Saog, Marilao, pawang kabilang sa drug watchlist; Jessica Clemente ng Brgy. Makinabang, Baliuag; Melba Maceda ng Brgy. Bulihan, Plaridel; at Marlon Pigurin ng Brgy. San Roque, Pandi.

Naging daan rin ang inilatag na Comelec Checkpoint ng Plaridel MPS upang maaresto ang dalawang child in conflict with the law (CICL) na may edad 16 at 17 anyos nang sila ay parahin ng mga awtoridad  sa paglabag sa hindi pagsusuot ng helmet.

Nang beripikahin ng mga awtoridad, nakuha sa kanilang pag-iingat ang hinihinalang shabu kaya sila ay dinampot at nakatakdang sampahan ng kasong paglabag sa RA 9165, RA 4136 at RA 10054.

Sa ikinasang pagtugis, nasukol ang suspek na si Ryan Agustin ng Brgy. Mabolo, Malolos nang pumuslit sa nakalatag na checkpoint na Oplan Sita habang sakay ng isang  tricycle kung saan nakumpiska sa kanyang pag-iingat ang hinihinalang shabu.

Nasamsam ang may kabuuang 21 pakete ng hinihinalang shabu at buy bust money sa serye ng mga nabanggit na drug sting at police operations ng Bulacan PNP laban sa ilegal na droga at masasamang elemento. (MICKA BAUTISTA)

About Micka Bautista

Check Also

Philippines money

Maharlika Investment Fund bill pinare-recall ni Pimentel

HINILING ni Senate Minority Floor Leader Aquilino “Koko” Pimentel III ang pag-recall sa Maharlika Investment …

Madugong madaling araw na aksidente sa Bulacan TRUCK VS SUV 5 PATAY 2 SUGATAN

Madugong madaling araw na aksidente sa Bulacan
TRUCK VS SUV 5 PATAY 2 SUGATAN

Lima ang patay samantalang dalawa ang sugatan nang suruin ng isang truck ang isang sports …

Alan Peter Cayetano

Sa usaping e-governance
GOBYERNO, TAGALUTAS NG PROBLEMA — CAYETANO

DAPAT  maging tagalutas ng problema ang gobyerno. Ito ang paalala ni Senador Alan Peter “Compañero” Cayetano …

Money Bagman

Pinal na kopya ng Maharlika Investnment Fund Bill isusumite ngayong Linggo sa Palasyo

NAIS ng Senado na maisumite sa palasyo ng Malakanyang ngayong linggo ang Maharlika Investment Fund (MIF) Bill. Ayon …

Risa Hontiveros LGBTQ+ Rainbow

Senator Risa dismayado
SOGIE EQUALITY BILL PARA SA LGBTQ+ HINDI PRAYORIDAD NG SENADO

BINATIKOS ni Senador Risa Hontiveros ang naging pahayag ni Senate Majority Floor Leader Joel Villanueva na …