Tuesday , July 16 2024

Hiling sa AMLC
‘MONEY LAUNDERING’ SA ‘PHARMALLY’ BUSISIIN

012022 Hataw Frontpage

ni ROSE NOVENARIO

BIGLANG YAMAN ang mga personalidad na sangkot sa Pharmally controversy na nabisto sa Senate Blue Ribbon Committee probe kaya dapat busisiin ng Anti-Money Laundering Council (AMLC) ang lahat ng kanilang bank deposits, covered transactions, ayon sa grupong Samahan ng Progresibong Kabataan (SPARK).

“It is our view that the executive department, through the Anti-Money Laundering Council, may undertake proceedings against personalities involved in the Pharmally controversy,” nakasaad sa liham ni Karl Christian Ceneta, national finance officer ng SPARK  kay AMLC Chairperson Benjamin Diokno.

Ang ‘money laundering’ ay ang mga gawaing nagkukubli ng mga salaping nakuha mula sa ilegal na paraan o krimen upang magmukhang mula sa legal o lehitimong pamamaraan o sa kolokyal na salin, ‘naglalabada o naglilinis ng sandamukal na perang mula sa ilegal na transaksiyon.’

Batay sa implementing rules and regulations ng Anti-Money Laundering Act ang covered transaction ay nangangahulugan na “transaction in cash or other equivalent monetary instrument involving a total amount in excess of five hundred thousand pesos (P500,000.00) within one (1) banking day.”

Naniniwala ang grupo na kailangan ang malalim na imbestigasyon ng AMLC laban sa mga personalidad sa Pharmally controversy upang mabatid ang iba pang batas na kanilang nilabag bukod pa sa Republic Act 3019 o Anti-Graft and Corrupt Practices Act.

Iginiit ng SPARK, malinaw na may paglabag sa RA 3019 ang pagkaloob ng Procurement Service – Department of Budget and Management (PS-         DBM) P12 bilyong halaga ng kontrata ng medical supplies sa Pharmally kahit walang track record sa government procurement at naagrabyado ang gobyerno sa hindi patas na  presyo ng mga produktong ibinenta ng kompanya.

Kabilang sa pinaiimbestigahan ng SPARK sina dating DBM Procurement Service chief Christopher Lloyd Lao, Lincoln Ong, Mohit Dargani, Twinkle Dargani, at Rose Nono Lin.

Ipasisiyasat din ng SPARK sa AMLC sina dating presidential economic adviser Michael Yang at Allan Lim.

Matatandaan si Yang ang nagpaluwal ng puhunan sa Pharmally para makorner ang kontrata sa PS-DBM habang si Lim ay kanyang kanang kamay, finance officer ng kompanya at asawa ni Rose Nono Lin.

Ayon sa SPARK, si Rose Nono Lin ang pinakanotoryus sa pagpapakita ng kanyang yaman at sinabi pa sa Senate hearing na ang pagmamay-ari niyang luxury cars ay basta na lamang niya nakita sa kanyang garahe.

Ang inisyatiba umano ng SPARK na hilingin ang AMLC probe ay kanilang ambag sa umuusad na Senate blue ribbon committee.

Matatandaan na hiniling na rin ni Senate Blue Ribbon Committee chairman Sen. Richard Gordon sa AMLC na imbestigahan ang Pharmally dahil sa umano’y koneksiyon nito kay Yang at iba pang idinadawit sa illegal drug trade.

About Rose Novenario

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …