Wednesday , June 19 2024
shabu drug arrest

Sa Valenzuela
5 TULAK KULONG SA P.4-M SHABU

LIMANG tulak ng ilegal na droga, kabilang ang isang security guard ang naaresto sa isinagawang magkahiwalay na buy bust operations ng pulisya sa Valenzuela City.

Sa report ni P/Cpl. Glenn de Chavez kay Valenzuela police chief, Col. Ramchrisen Haveria, Jr., dakong 2:30 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Joel Madregalejo ng buy bust operation sa Cam-cam St., Brgy. Gen T. De Leon.

Agad dinamba ng mga operatiba ang kanilang target na si Arvin Amaro, alyas Bunso, 34 anyos, residente sa Quezon City, matapos pagbilhan ng P60,000 halaga ng shabu ang isang police poseur buyer.

Nakompiska sa suspek nang tinatayang 50 gramo ng hinihinalang shabu, may standard drug price na P340,000, buy bust money na isang tunay na P1,000 bill, 59 pirasong P1,000 boodle money at cellphone.

Dakong 4:30 am nang matimbog ng kabilang team ng SDEU sa buy bust operation sa Dulong Tangke St., Brgy., Malinta sina Michael Tongco, 20 anyos, at Jerome Corpuz, alyas Ninong, 32 anyos, isang  security guard.

Nakuha sa mga suspek ang tinatayang nasa apat gramo ng hinihinalang shabu, may standard drug price na P27,200, P500 marked money, at P200 cash.

Nauna rito, dakong 3:45 am, nadamba rin ng isa pang team ng SDEU sa pangunguna ni P/Lt. Doddie Aguirre sa buy bust operation sa Francisco Compound, Brgy. Gen T. De Leon ang mga suspek na sina Joel Laureta, 31 anyos, at Philip Urbano, 40 anyos.

Nakuha sa mga suspek ang tinatayang pitong gramo ng hinihinalang shabu, may standard drug price na P47,600, P300 marked money, P100 cash at cellphone.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (ROMMEL SALES)

About Rommel Sales

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …