Tuesday , January 18 2022
Jaime Fabregas Leni Robredo

FABREGAS INENDOSO SI LENI
(Nanawagan sa mga kapwa Bicolano mag-recruit ng mas maraming supporter para kay Robredo)

INENDOSO ni Jaime Fabregas ang pagtakbo bilang pangulo ng kapwa Bicolano at Bise Presidente Leni Robredo kasabay ng paghikayat sa mga kalalawigan na aktibong mag-recruit ng mas marami pang mga tagasuporta para matiyak na ang susunod na pangulo ng bansa ay mula sa Bicol Region.

Iparamdam natin sa buong Pilipinas ang galing, lakas, at pusong Bicolano. Ipakilala natin sa kapwa Filipino ang tapat na pinuno. At ipakita natin sa buong mundo ang kakayahan at katatagan ng ating lahi,” ani Fabregas.

Sa katauhan ni Robredo, idineklara rin ng aktor na taglay ng Bicol ang pinakamagaling at pinaka-kwalipikadong kandidato sa mga tatakbo bilang pangulo sa 2022.

Ang pakiusap ni Lolo General sa inyong lahat, na mangumbinsi pa tayo ng hindi bababa sa lima pang botante na makiisa sa ating layunin,” wika ni Fabregas, na tinutukoy ang kanyang karakter sa sikat na TV series na Ang Probinsyano.

Nagpahayag ng pagkadesmaya si Fabregas sa katotohanan na wala pang pangulo mula Bicol Region ang nahalal kahit ito na ikalimang pinakamaraming bilang ng botante at ikaapat na pinamalaking ethnic group sa bansa.

Hindi ba kataka-taka na sa buong kasaysayan ng Pilipinas, wala pang naging Presidente mula sa Bicol?” ani Fabregas.

Limang pangulo ang nagmula sa Central Luzon —Ramon Magsaysay (Zambales); Diosdado Macapagal at Gloria Macapagal-Arroyo (Pampanga), at Cory at Noynoy Aquino mula Tarlac.

Sa Ilocos Region, na mas kaunti ang botante kompara sa Bicol Region, ay may tatlong pangulo — Elpidio Quirino, Ferdinand Marcos, at Fidel Ramos.

Dalawang pangulo naman ang nagmula sa Luzon — Manuel Quezon (Tayabas) at Joseph “Erap” Estrada (National Capital Region), dalawa mula sa Visayas na sina Manuel Roxas at Carlos Garcia habang may isa ang Mindanao, si Rodrigo Duterte.

Sa kanyang parte, hinikayat ni Robredo ang mga kapwa Bicolano na huwag sayangin ang pagkakataon na makapaghalal ng pangulo mula Bicolandia sa 2022.

Huwag na po nating palampasin ang pagkakataong ito. Ang tagumpay natin sa Mayo ay tagumpay ng bawat Bicolano at Filipino. Inaasahan ko po kayo,” sambit ni Robredo.

About hataw tabloid

Check Also

Yasmien Kurdi

Yasmien at anak na si Ayesha nagpositibo sa Covid

RATED Rni Rommel Gonzales MAY paalalang hatid ang former Las Hermanasstar Yasmien Kurdi sa mga magulang, matapos niyang …

Heart Evangelista

Heart nilektyuran aroganteng netizen na kumuwestiyon sa ‘di pagbubuntis — Ayoko!… Not your uterus

RATED Rni Rommel Gonzales MISTULANG nakatanggap ng lecture kay Kapuso star Heart Evangelista ang netizen na nagtanong kung bakit …

Blind Item, Man Leaving Sad Woman, magandang aktres

Matinee idol confident na babalikan ni dating GF at ka-live in

HATAWANni Ed de Leon AYON sa kuwento ng isa naming source, confident ang isang dating sikat …

Annalyn Manalo Jose Manalo

Asawa ni Jose na si Annalyn yumao na

HATAWANni Ed de Leon NABALITA lamang iyon nang ilabas na sa social media ng kanyang …

Alodia Gosiengfiao Wil Dasovich

Alodia at Wil nagpatutsadahan, hiwalayan mahiwaga

I-FLEXni Jun Nardo TAHIMIK lang na naghiwalay ang celebrity chef na si Jose Sarasola at girlfriend na …