Tuesday , July 23 2024
CoVid-19 vaccine
CoVid-19 vaccine

Dahil sa CoVid-19 reinfection
3,114 HEALTHCARE WORKERS SA NCR NASA ISOLATION

MAY 3,114 healthcare workers sa National Capital Region (NCR) ang nasa isolation dahil tinaman muli ng CoVid-19.

“Nagkaroon talaga ng reinfections itong (mga) health care workers natin or iyong mga breakthrough, kasi sila iyong nauuna talaga. Sila iyong first line, nasa hospital na nakapagharap ng mga CoVid-19 patients, iyong mga bagong active cases,”ayon kay Health Undersecretary Leopoldo Vega sa Laging Handa Public Briefing kahapon.

“Dito sa Metro Manila, ang aming count – kasi nagre-report naman ang Department of Health, lalong-lalo ang mga government hospitals – so mayroon kaming nakita kahapon na data na mga 3,114 ang bilang ng health care workers na naka-isolate, ito ay mga 11% ng total ng health care workers na nasa government institution na 26,000,” dagdag niya.

Sa kabila nito’y “manageable” pa rin ang sitwasyon at ang mga pagamutan ay nagpatupad ng ilang estratehiya upang matugunan ang sitwasyon.

“So, manageable pa rin, pero iyon nga, nag-strategized na rin ang ibang hospitals na magko-close ng ilang services nila like OPD, special services, at saka iyong mga elective surgeries nila, pino-postpone muna, kasi alam nila na kailangan ma-cover nila iyong  deployment for the health care workers doon sa CoVid allocated  areas nila,” ani Vega.

Inihahanda, aniya ang memorandum of agreement ng DOH, Armed Forces of the Philippines (AFP), Bureau of Fire Protection (BFP), at Philippine National Police (PNP) upang magtalaga ng medical personnel ang mga nasabing ahensiya sa mga rehiyon na nangangailangan ng deployment.

Sa kasalukuyan, patakaran ng DOH ay kailangan sumailalim sa limang araw na isolation ang fully vaccinated healthcare worker na may CoVid-19.

Katuwiran ni Vega, batay ito sa mas mataas na immunity ng healthcare workers bunsod ng bakuna at behavior ng Omicron variant na two to three days incubation period lang kompara sa original Wuhan virus na lima hanggang pitong araw. (ROSE NOVENARIO)

About Rose Novenario

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …