Batas nilagdaan ni Duterte
ROOSEVELT AVE., PINALITAN NG FERNANDO POE, JR., AVE.

NILAGDAAN ni Pangulong Rodrigo Duterte ang batas na nagpalit sa pangalan ng Roosevelt Avenue sa Quezon City sa Fernando Poe, Jr., Avenue.

Ayon sa Malacañang, nilagdaan ni Pangulong Duterte ang Republic Act 11608 noong 10 Disyembre 2021.

Matatagpuan ang ancestral residence ni Poe sa Roosevelt Ave., sa 1^st District ng Quezon City.

Ang tunay na pangalan ng King of Philippine Movies ay Ronald Allan Kelley Poe.

Nauna nang idineklarang National Artist si Poe na natunghayan sa 300 pelikula sa loob ng kanyang 46 taon sa showbiz.

Matatandaan, binawian ng buhay si Poe noong 2004 sanhi ng sakit sa puso ilang buwan matapos siyang matalo sa 2004 presidential elections. (ROSE NOVENARIO)