Sunday , July 21 2024
arrest, posas, fingerprints

Sa Nueva Ecija, Pampanga
2 TOP MWPs TIMBOG

 (ni MICKA BAUTISTA)

NASAKOTE ng mga awtoridad ang dalawang top most wanted persons sa mga lalawigan ng Nueva Ecija at Pampanga sa dalawang araw na magkahiwalay na manhunt operations nitong Biyernes hanggang Sabado, 7 hanggang 8 Enero.

Naglatag ang pinagsanib na mga elemento ng Mabalacat City Police Station (CPS) at 302nd MC RMFB-3 Polar Base ng manhunt operation sa Brgy. Dapdap, lungsod ng Mabalacat, lalawigan ng Pampanga na nagresulta sa pagkakaaresto kay Arnold Cayanan, 47 anyos, top 5 most wanted person (MWP) ng Mabalacat CPS, residente sa nabanggit na baranggay.

Dinakip ang suspek sa bisa ng warrant of arrest para sa kasong Illegal Possession of Firearm and Ammunitions sa ilalim ng Criminal Case 2679-3014 na inilabas ni Judge Allene Torres-Peña, acting Presiding Judge ng Tarlac City RTC Branch 65.

Gayondin, nasukol din si Jayson Corpuz, top most wanted person ng Licab MPS, 37 anyos, residente sa Brgy. Poblacion Sur, bayan ng Licab, lalawigan ng Nueva Ecija, ng operating units ng nabanggit na himpilan ng pulisya katuwang ang 3rd Maneuver Platoon, 2nd PMFC, NEPPO sa ikinasang manhunt operation sa Brgy. Poblacion Sur, Licab, Nueva Ecija sa bisa ng warrant of arrest para sa kasong Qualified Rape sa ilalim ng Criminal Case No. 6174-G na inilabas ni Judge Leo Cecilio Bautista, acting Presiding Judge ng Guimba RTC Branch 32.

Ayon kay PRO3 Regional Director P/BGen. Matthew Baccay, hindi sila titigil sa kanilang kampanya upang masugpo ang lahat ng uri ng krimen kabilang ang pagpapaigting ng manhunt operation laban sa mga wanted persons sa rehiyon.

About Micka Bautista

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …