Friday , May 27 2022
Lovely Rivero Sunshine Cruz Barbie Forteza

Lovely Rivero, thankful sa pag-aalaga ng GMA-7

ALAM MO NA!
ni Nonie Nicasio

THANKFUL si Lovely Rivero na kahit hindi siya contract artist ng sa GMA-7 ay patuloy siyang nabibig­yan ng project sa Kapuso Network.

Si Lovely ay baha­gi ng Mano Po na tinatampukan nina Barbie Forteza, Maricel Laxa, Sunshine Cruz, Boots Anson Roa, David Licauco, Nikki Co, Rob Gomez, Dustin Yu, at iba pa. Ito’y sa pamamahala nina Ian Lorenos at Easy Ferrer.

Saad ng aktres.

“Iyan ang isa sa pinaka-ipinagpapasalamat ko sa Diyos na kahit paano, He blesses me with continuous work sa GMA 7 Kapuso network dahil gustong-gusto ko talaga na nagtatrabaho sa kanila at mahal ko ang mga nakaka-work ko sa GMA. Plus, ang gaganda naman talaga ng projects nila at napakaayos ng sistema.”

Pagpapatuloy pa ni Lovely, “Kaya malaki talaga ang pasalamat ko sa lahat ng bumubuo ng GMA network at sa mga production people na nagtitiwala sa akin doon. At the same time, minsan, nagkakaroon din ako ng chance to work sa ibang networks at productions dahil nga freelance actor naman ako at dahil dito, mas lumalawak ang kaala­man at experiences ko.

“Basta ang paniwala ko, ‘pag may trabaho akong ginagawa, dapat pagbutihin mo at ibigay ang puso, serbisyo at abilidad nang buong-buo. Kasi, that is how you show your gratitude and appreciation, by doing a good job, by trying to do your best all the time, maliit man or malaki ang role at kahit saan mang produksiyon.”

Ano ang role niya rito? Tugon niya, “Medyo kakaiba siya sa madalas na role na ibinibigay sa akin lately na nanay na mabait at iyakin. Ngayon may pagkapormal, cold, no non-sense na corporate animal ako rito na fiercely loyal sa amo niya.”

Aniya, “Ang boss ko rito ay si Ms. Cristine Chan, played by Sunshine Cruz, na siyang Presidente at CEO ng GoldQuest Corporation.”

Nabanggit din niyang enjoy siyang katrabaho ang co-actors niya rito. “Naku, ang sarap-sarap katrabaho ng mga kasama kong actors dito. Lahat ng artista rito mababait, walang reklamo sa work at higit sa lahat, napaka­gagaling.

“Kaya naman napaka-smooth ng tapings at ‘di namin lahat iniinda ‘yung mga small production hiccups, kasi nga lahat very professional at mababait at lahat iisa ang goal: gumawa ng maganda at maayos na serye na magugustuhan ng mga manonood,” nakangiting saad pa ni Ms. Lovely.

About Nonie Nicasio

Check Also

Bea Alonzo spain house

Pagbili ng apartment ni Bea sa Spain sisiw lang sa aktres

REALITY BITESni Dominic Rea SISIW lang o barya lang para kay Bea Alonzo ang halaga ng binili …

Xian Gaza Barbie Imperial

‘Lampungan’ sa socmed nina Barbie at Xian saan mauuwi?

REALITY BITESni Dominic Rea MAY patutunguhan ‘yang ‘lampungan’ sa social media o exchange of words …

Cara Gonzales Ikaw Lang Ang Mahal

Cara Gonzales palaban bilang direktor na pokpok

HARD TALKni Pilar Mateo ANO ba ‘yung pinanood ko? Ibang klase talaga itong si Direk Richard …

Sylvia Sanchez Lee Jung-jae

Sylvia nakadaupang palad si Lee Jung-jae

PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na …

Regine Velasquez Moira dela Torre Gary V Chito Miranda

Regine, Moira, Chito, at Gary mga hurado ng Idol Phils Season 2

NAGBABALIK ang pinakamalaking singing competition sa bansa, ang Idol Philippines  sa ikalawang season nito kasama ang minahal …