HATAW! D'yaryo ng Bayan hatawtabloid.com
SINAMPAHAN ng kasong murder nitong Lunes, 3 Enero, ang bodyguard ng napaslang na dating alkalde ng bayan ng Anda, Pangasinan.
Isinampa ng Pangasinan PPO ang kaso laban sa suspek na kinilalang si William Cagampan sa Regional Trial Court ng lungsod ng Alaminos, dahil sa pamamaril at pagpatay kay Cerdan sa Brgy. Namagbagan, sa nabanggit na bayan, noong Sabado, 1 Enero.
Ayon kay Pangasinan police director P/Col. Richmond Tadina, handang magbigay ng testimonya ang anim na testigo laban sa suspek.
Dinakip si Cagampan sa kalapit na Brgy. Tondol, dalawang oras matapos ang insidente ng krimen, at nakatakdang isailalim sa drug test.
Isinimite ang mga cellphone ng biktima at ng suspek sa regional anti cyber-crime unit para sa pagsusuri.
Ani Tadina, pabago-bago ng kanyang pahayag si Cagampan, na nagsilbing bodyguard ni Cerdan sa loob ng siyam na taon.
