Wednesday , July 17 2024
Merlyn Germar

Mayoralty candidate tinamaan ng CoVid-19

HUMIHINGI ng pang-unawa sa mga nasasakupang kababayan ang isang kandidato sa pagka-alkalde sa bayan ng Norzagaray, sa lalawigan ng Bulacan matap0s siyang magpositibo sa CoVid-19.

Sa kanyang mensahe sa Facebook, sinabi ni Merlyn Germar, asawa ni Norzagaray Mayor Fred Germar, na tumatakbo ngayong congressman para sa ika-anim na distrito ng lalawigan, siya ay positib0 sa CoVid-19.

Aniya sa post, nagsimula siyang maramdaman ang mga sintomas nang siya ay ginawin at magkasinat nitong Lunes, 3 Enero.

Dahil muling lumolobo ang bilang ng mga kaso ng CoVid-19, minabuti niyang sumailalim sa antigen test sa manugang na doktor at kinompirma ng RT-PCR test na siya nga ay positibo.

Dagdag ni Gng. Germar, sa ngayon ay sipon at ubo na lamang ang nararamdaman niya at wala nang lagnat, ngunit siya ay naka-isolate alinsunod sa panuntunan ng Department of Health (DOH) at Inter-Agency Task Force (IATF).

Aniya, ayaw niyang maglihim sa mga kababayan at siya ay humihingi ng paumanhin sa lahat ng kanyang mga nakasalamuha nitong mga huling araw.

Binanggit din ni Gng. Germar na nanatili lamang siya sa kanilang bahay noong Bagong Taon at noong Linggo, 2 Enero, ay lagi siyang naka-facemask at may dalang alkohol nang siya ay lumabas.

Kasunod nito, pinag-iingat niya ang mga kababayan dahil muling dumarami ang may CoVid-19 at pinayohang kapag may naramdaman ay ay agad magsadya sa kanilang Rural Health Unit at magpakonsulta sa doctor upang malapatan ng lunas.

Ang babaeng Germar ay tumatakbo ngayon sa pagka-alkalde sa bayan ng Norzagaray kahalili ng asawang si Mayor Fred Germar na tumatakbong congressman sa ika-anim na distrito ng Bulacan. (MICKA BAUTISTA)

About Micka Bautista

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …

Sa Bulacan 7 SUSPEK SA DROGA, 2 KAWATAN TIMBOG

Sa Bulacan
7 SUSPEK SA DROGA, 2 KAWATAN TIMBOG

ARESTADO ang pitong indibidwal na pinaghihinalaang pawang mga sangkot sa pagtutulak ng ilegal na droga, …

shabu drug arrest

Sa crackdown ng PRO3  
4 DAYUHAN, 1 TULAK NASAKOTE SA DROGA

NASUKOL ng mga awtoridad ang limang hinihinalang tulak ng ilegal na droga na kinabibilangan ng …