Tuesday , July 16 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Laban kontra Omicron

FIRING LINE
ni Robert B. Roque, Jr.

HINDI pa rin tuluyang naglalaho ang saya ng pagkakasilang ni Hesukristo sa Bethlehem hanggang ngayon. Gayunman, abala ang ilang netizens sa ‘pagpapapako sa krus’ – kay Gwyneth Chua, ang kompirmadong nagkalat ng Omicron at binansagang “Poblacion Girl” ng Makati.

Nangako ang mga awtoridad na papanagutin ang dalaga sa hayagang pambabalewala sa pandemic protocols. Maliwanag na kailangan niyang panagutan, nang higit pa sa itinatakda ng batas, ang kinahinatnan ng kanyang pagiging iresponsable. Kombinsido ako, gayunman – nang walang pagtatanggol o pag-aabsuwelto – sa napakalupit na paraan ay natuto na siya sa nangyari.

Sinomang may konsensiya ay tiyak na magi-guilty sa panghahawa sa iba pang tao ng isang sakit na maaaring makamatay, lalo na at ang mga nahawaan ay kanyang mga kaibigan at ang pamilya nito.

Pero dapat, may natutuhan ang lahat sa trending niyang kuwento, mapagtatanto nating hindi lang naman siya ang nakagawa ng ganoong kapabayaan. Napakarami marahil ng mga ‘Gwyneth’ sa atin para bigla na lamang lumobo nang ganoon ang mga kaso ng COVID-19, mula sa iilang daan ay lumampas na sa 4,000 sa loob lang ng ilang araw.

Kaya sa halip na maging mga Poncio Pilato, mas mainam marahil na ang inaaksaya nating panahon sa pamba-bash at pagpapakalat ng meme sa social media ay ituon na lang natin sa pagsasagawa ng epektibong paraan, kaisa ang ating mga kamag-anak, upang magkaroon ng proteksiyon ang sarili nating komunidad laban sa banta ng Omicron.

Ang tinutukoy ko ay ang pagkombinsi sa mga maaari nating maimpluwensiyahan na magpabakuna na hangga’t maaari. Sa kasamaang palad, kahit ano pang pagmamayabang ang gawin ni vaccine czar Carlito Galvez, Jr., habang ibinibida ang mga ‘tagumpay’ ng administrasyong Duterte sa programa ng gobyerno sa pagbabakuna, nariyan pa rin ang katotohanang nasa 40 porsiyento lang ng ating populasyon ang protektado ng bakuna.

Huwag natin konsintihin ang mga kamag-anak at kaibigan nating balikbayan na gustong umiwas sa mandatory quarantine o magdaos ng malakihang pagtitipon na tuluyan nang naisasantabi ang mga kinakailangang pag-iingat. Bilang mga biyahero, dapat tayong maging responsable at disiplinado – kahit pa lahat ng nakapaligid sa atin ay hindi na sumusunod sa health protocols. Obligasyon natin ito sa ating sarili at sa ating pamilya na kasama natin sa bahay.

Marami pang kailangang gawin upang maresolba ang pag-aalinlangan ng iba sa pagpapabakuna. At dapat din na paigtingin ang pagbibigay ng boosters sa mga manggagawa, lalo na kung makikipagtulungan ang pribadong sektor. Dapat payagan ang mga kompanya na gamitin ang inimbak nilang bakuna para sa kani-kanilang empleyado. Mas okay ito at malilimitahan pa ang paglabas-labas ng mga kasapi ng bawat samahang pangnegosyo. Gawin ito nang mabilisan bago pa mag-expire ang mga bakuna.

Pinapapurihan ko ang railway sector sa pagbibigay ng antigen testing sa mga pasahero ng LRT at MRT na gusto at handang magpasuri. Malaking tulong ito upang matukoy kung gaano kabilis ang hawaan ng virus sa mga pasahero.

Minsan pa, umaapela ako kay Secretary Vince Dizon na pagsikapang gawing libre ang pagsusuri para sa mas maraming sektor nang mai-monitor natin nang wasto ang pagpapasa-pasa ng CoVid-19.

Alam nating lahat na ang Omicron ay usapin ng kung kailan ito makapapasok sa Filipinas at hindi ‘yung posibilidad na makahawa ito sa atin. Sinamantala natin ang holidays upang mag-relax at magsaya. Ngayon, sama-sama nating taluning muli ang virus na ito.

*              *              *

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

About Robert B. Roque, Jr.

Check Also

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …