Dahil sa ‘nervous breakdown’
76-ANYOS AMA PINUKPOK, SINAKSAK, NG ANAK PATAY

INAKUSAHAN ang isang lalaking pinaniniwalaang mayroong ‘nervous breakdown’ ng pamamaslang sa kanyang sariling ama sa loob ng kanilang tahanan sa lungsod ng Talisay, lalawigan ng Negros Occidental, nitong Sabado, 1 Enero 2022.

Kinilala ng pulisya ang pumanaw na biktimang si Romulo Espenido, 76 anyos.

Ayon kay P/Lt. Marion Vincent Buenaflor, deputy police chief ng Talisay City Police Station, dumaing umano sa kanya ang 33-anyos suspek na si Julius Roy na masama ang kanyang pakiramdam.

Dahil dito, hinilot ni Espenido ang kanyang anak upang bumuti ang kanyang pakiramdam ngunit bigla na lamang umano siyang sinakal ni Julius Roy saka pinukpok ng bato sa ulo na naging sanhi ng kanyang agarang kamatayan.

Sa pahayag ng pamilya Espenido, walang anumang pagtatalo ang mag-ama na maaaring maging dahilan ng paggawa ng krimen ng suspek. Dagdag ni Buenaflor, hindi mapakali ang suspek at tila wala sa sarili nang matagpuan nila sa likod ng bahay bago nila arestohin.