Thursday , March 30 2023
Pitmaster Caroline Cruz Marines Odette
KAUSAP ni Pitmaster Exec Dir. Caroline Cruz ang mga opisyal ng Marines na nag-aalok ng tulong sa pagre-repack at pagde-deliver ng ayuda sa mga biktima ng bagyong Odette.

Pitmaster, PH Marines magkatuwang sa Odette relief distribution

HUMINGI ng tulong ang Pitmaster Foundation sa Philippine Marines 72nd Marangal Battalion upang mabilis na maihatid ang mga kinakailangang ayuda sa mga mamamayang nasalanta ng bagyong Odette sa Mindanao at Visayas regions.

Ayon kay Pitmaster Foundation Executive Director Caroline Cruz, “personal kong sinilip ang mga dinaanan ni Odette at maraming mga kalsada ang sira o lubog sa tubig kaya naisip namin na humingi na ng tulong sa AFP.”

Ani Cruz, “Hindi lang sa pag-transport ng relief goods ng Pitmaster kundi malaking tulong din ang mga marines sa pagre-repack ng mga pagkain at hygiene kits para sa initial target namin na 100,000 families sa Surigao, Bohol, Negros, at Palawan.”

“Pero dahil patuloy ang paghingi ng tulong ng mga LGUs sa aming chairman na si Charlie “Atong” Ang, expected namin na madaragdagan pa ang 100,000 families na bibigyan ng ayuda within the next few days,” ani Cruz.

Bagamat walang ibinibigay na halaga si Cruz hinggil sa kanilang kasalukuyang relief operations, ayon sa ilang importante, umaabot na sa P45 milyon ang halaga ng mga bigas, delata, at mga personal hygiene kits na laman ng bawat relief packs para sa mga pamilya na nasalanta ng bagyo.

Napag-alaman din, sa Cebu City ang magiging main relief distribution center ng Pitmaster dahil nasa gitna ito ng bansa at mas malapit sa Mindanao at Palawan.

Nagpasalamat si Cruz kay Eastern Visayas Naval Reserve Commander Col. James Lugtu sa pag-alok ng mga tauhan at mga sasakyan para maihatid ang mga ayuda sa mga biktima bago mag-Pasko.

Hindi ito ang unang relief operations ng Pitmaster.

Matatandaang namahagi ng relief goods sa mga biktima ng bagyo noong nakaraan taon sa Metro Manila at karatig-pook.

About hataw tabloid

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …