Monday , July 15 2024

9 pasaway tiklo sa police ops (Sa Bulacan)

ISA-ISANG nahulog sa kamay ng mga awtoridad ang siyam kataong pawang lumabag sa batas sa isinagawang operasyon ng pulisya sa iba’t ibang lugar sa lalawigan ng Bulacan nitong Sabado, 11 Disyembre.

Naaresto ang tatlong pugante sa inilatag na manhunt operations ng Bulacan 1st PMFC, Pulilan, Paombong, Guiguinto MPS; CIDG PFU Bulacan, 301st MC, RMFB3 at PNP AKG Luzon Field Unit na kinilalang sina Lony Arcagua ng Brgy. San Isidro I, Paombong, may kasong paglabag sa RA 9165; Ricardo De Leon ng Brgy. Tiaong, Guiguinto para sa kasong Serious Physical Injuries (RPC Art. 263); at Jeffrey Torres ng Brgy. Tabon, Pulilan,  para sa kasong Slight Physical Injuries. 

Kasalukuyang nasa kusodiya ng kani-kanilang arresting unit/office ang mga suspek para sa naaangkop na disposisyon.

Gayondin, sa isinagawang illegal gambling operation ng Malolos City Police Station (CPS), nadakip ang mga suspek na kinilalang sina John Alfonso Buenafe, Jeremie Gallego, Janeth Ninsao, at Jorem Pascual, pawang mga residente sa Brgy. Mabolo, Malolos, matapos mahuli sa akto sa ilegal na sugal sa baraha at nakompiskahan ng baraha at perang taya sa iba’t ibang denominasyon.

Samantala, arestado din si Benjie Javier ng Brgy. Pitpitan, Bulakan, sa paglabag sa RA 10591, nakuhaan ng isang kalibre .22 revolver na kargado ng bala.

Sa isinagawang entrapment operation sa pagbebenta ng mga pekeng sigarilyo na ikinasa ng Provincial Intelligence Unit of Bulacan sa lungsod ng Malolos, nasakote sina Joker Hagonos ng Brgy. Sumapang Matanda,at Erwin Piol ng Brgy. Mabolo, sa naturang lungsod.

Narekober mula sa dalawang suspek ang iba’t ibang mga palusot na imported/untaxed cigarettes at buy bust money na nakatakdang sampahan ng naaangkop na kaso sa hukuman.

 (MICKA BAUTISTA) 

About Micka Bautista

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …