Friday , July 19 2024
Mohit Dargani, Twinkle Dargani, Pharmally

Dargani siblings ipinakulong na sa Pasay city jail

IPINAG-UTOS ni Senador Richard Gordon, Chairman ng Blue Ribbon Committee kay Office of Senate Sargent at Arms (OSAA) chief, ret. Gen. Rene Samonte ang agarang paglipat sa magkapatid na Pharmally Official Mohit at Twinkle Dargani sa Pasay City Jail.

Ang kautusan ay ipinalabas ni Gordon nang mabigong makipagtulungan si Mohit sa Senado na ipagkaloob ang mga dokumentong hinihingi nila.

Ayon kay Gordon, maliwanag na nanloloko si Mohit dahil hindi maituro kung nasaan ang warehouse, opisina, at maging ang bahay na pupuntahan nila ng team ng OSSA para kunin ang ‘boxes’ na umano’y pinaglalagyan ng mga dokumento ng kompanya.

Batay sa pahayag ni Mohit sa pinakahuling pagdinig ng Senado ukol sa kontrobersiya, nasa loob ng ‘boxes’ ang mga dokumentong hinahanap at hinihingi ng mga senador.

Nagtataka si Gordon, na hindi alam ni Mohit kung saan sila tutungong lugar para kunin ang mga dokumento.

Naniniwala si Gordon, talagang nagsisinungaling ang mga opisyal ng Pharmally at pinaiikot-ikot lamang sila ng mga testigo.

Maging ang abogado ng mga Dargani na si Atty. Kapunan ay nagulat nang tawagan siya ng OSAA at tanungin tungkol sa ‘boxes.’

Ayon kay Samonte halos mahulog daw sa kinauupuan ang abogado dahil wala siyang nalalaman sa tinutukoy na ‘boxes.’

Magugunitang napunta sa pangangalaga ng senado ang magkapatid na Dargani nang tangkaing lumabas ng bansa  sa pamamagitan ng isang private flight.

 (NIÑO ACLAN)

About Niño Aclan

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …