Tuesday , March 19 2024

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat sa Quezon City, nitong Linggo ng umaga.

Ang biktima ay kinilalang si Ritchie Galantao, 24 anyos, binata, at residente sa Castro Compound, Nitang Avenue, Brgy. Gulod, Novaliches, Quezon City.

Agad nadakip nina P/Cpl. John-Edel Nolasco at Pat Ernest John Collado ng Novaliches Police Station 4, ng Quezon City Police District (QCPD), ang suspek na tiyuhin na kinilalang si Raymund Limsiaco, 40 anyos, may asawa, driver, tubong Negros Occidental at naninirahan sa Golden HOA Castro compound, Brgy. Gulod, Novaliches, QC.

Sa report ng Novaliches PS 4 ng QCPD, naaresto ang suspek bandang 10:00 am kahapon, 28 Nobyembre, sa Castro Compound, Nitang Avenue, Brgy. Gulod, Novaliches, Quezon City.

Sa imbestigasyon, bumisita ang suspek sa bahay ni Galantao na pag-aari ng kanyang tiyahin ngunit biglang naungkat ang matagal na nilang alitan.

Habang nasa kalagitnaan ng pagtatalo ang dalawa ay kumuha ng kutsilyo ang suspek at sinaksak ng dalawang ulit ang biktima sa kaliwang balikat at tiyan.

Bagamat duguan ay nakatakbong palabas ang biktima at humingi ng saklolo sa mga awtoridad dahilan upang maaresto ang suspek.

Dinala sa Novaliches District Hospital ang biktima upang bigyan ng karampatang lunas.

Nakapiit na ang suspek habang inihahanda ang kasong attempted homicide laban sa kaniya. 

(ALMAR DANGUILAN)

About Almar Danguilan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …