Friday , January 21 2022

Sa Pampanga
KASO NG PAMAMARIL NG PULIS SA TEENAGER NASA PISKALYA NA

NAISAMPA na sa piskalya ang kasong Homicide na inihain laban sa isang pulis na nakadestino sa Bacolor Municipal Police Station (MPS) matapos mabaril at mapatay ang isang 19-anyos lalaki habang nasa kustodiya ang suspek ng nasabing estasyon.

Kinilala ni Pampanga PPO Director P/Col. Robin Sarmiento ang pulis na si P/Cpl. Alvin Pastorin, nakatalaga sa Bacolor MPS bilang intelligence officer, habang kinilala ang biktimang si Abelardo Vasquez, 19 anyos, residente sa Brgy. San Vicente, sa nabanggit na bayan.

Sugatan at kalaunan ay binawian ng buhay si Vasquez nang mabaril ng pulis dahil sa sinasabing paninita na nauwi sa gulo noong Sabado, 20 Nobyembre.

Dagdag ni P/Col. Sarmiento, galing sa intelligence  operation si P/Cpl. Pastorin nang pumunta sa tindahan ng kanyang kaibigan, at doon napadaan ang limang nakainom na kabataan na noon ay walang suot na face mask at damit pang-itaas.

Base sa salaysay ng ilang nakasaksi, sinita ng pulis ang mga lalaki at pinayohang umuwi muna at kumuha ng face mask at damit ngunit nauwi ito sa mainit na pagtatalo.

Hindi nagtagal ay bumalik ang mga kabataang na humingi umano ng ‘resbak’ sa kanilang mga kamag-anak na noon ay nag-iinuman sa kanilang bahay.

Dagdag ng saksi, nang nagdesisyong umalis ang pulis at bumalik sa kanyang sasakyan, pinagbabato ng mga kalalakihan, hinabol at kinuyog hanggang bumagsak sa lupa.

Habang nakadagan sa kanya ang isang lalaki at nang maramdamang nasa panganib ang kanyang buhay, dito na niya ginamit ang kanyang baril at pinaputukan ang lalaking nakadagan sa kanya, na kalaunan ay kinilalang si Vasquez.

Nang magawang makaiwas ni Pastorin, dali-dali siyang bumalik sa Bacolor MPS at humingi ng back-up sa mga tauhan ng Bacolor MPS para bumalilk sa lugar ng insidente.

Agad isinugod sa pinakamalapit na pagamutan si Vasquez na tinamaan ng bala ng baril sa leeg at ulo, ngunit ideneklarang dead-on-arrival ng tumingin na doktor na kinilalang si Dr. Melisa Ocampo.

Samantala, ipinag-utos ni PRO3 Regional Director P/BGen. Matthew Baccay kay P/Col. Sarmiento ang patuloy at masusing imbestigasyon sa naturang insidente.

Kaugnay nito, hiniling ng pulisya ang kooperasyon ng bawat isa at manatiling sumunod sa health and safety protocol dahil nasa ilalim pa rin ng alert level 2 ang probinsiya. (MICKA BAUTISTA)

About Micka Bautista

Check Also

Comelec

Desisyon ng Comelec, irespeto — Lacson

NANAWAGAN si presidential aspirant senator Panfilo “Ping” Lacson sa lahat na irespeto ang nagging desisyon …

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …