Wednesday , February 28 2024

Nanghipo, 15-anyos kinunan nang hubo’t hubad
HI-TECH NA LOLONG MANYAKIS KULONG

KALABOSO ang isang 75-anyos lolo makaraang gawing ‘panghimagas’ ang katawan ng dalawang dalagitang 15-anyos nang hipuan sa maseselang parte ng katawan at makunan pa ng hubo’t hubad ang isa, sa Malabon City.

Sa ulat na tinanggap ni Malabon police chief P/Col. Albert Barot, nangyari ang insidente sa loob mismo ng bahay ng biyudo at suspek na kinilalang si Serafin Domingo,  residente ng Sto Rosario Village, Brgy. Baritan.

Batay sa ulat ng pulisya, nagtungo ang dalawang biktima sa imbitasyon ng suspek, kamakalawa ng hapon.

Nabatid na nakilala ng mga biktima ang suspek kamakailan lamang sa pamamagitan ng isang kaibigan at mula noon ay nagpalitan na sila ng mensahe sa social media hanggang imbitahan ni Domingo ang dalawang dalagita.

Sa ibinahaging impormasyon ni P/MSgt. Gerardo Bautista ng Malabon Police Sub-Station 7, una umanong hinipuan ng suspek ang Grade 5 na estudyante sa elementarya na itinago sa alyas Shalane dakong 2:00 pm at nagawa pang makunan ng larawan sa kanyang cellular phone nang walang saplot sa katawan ang biktima.

Dakong 3:00 pm noong araw ding iyon nang ang Grade 7 na dalagitang itinago sa alyas Luanne  naman ang pinaghihipuan sa katawan ni lolo.

Nagbalik lamang sa katinuan ang dalawang biktima nang makaalis na sila sa bahay ng biyudo kaya’t kaagad nilang isinumbong sa kanilang mga magulang ang nangyaring na nagsama sa kanila sa pulisya upang maghain ng reklamo.

Kahapon ng umaga, plinano ng pinagsanib na puwersa ng Station Intelligence Section (SIS) at Sub-Station 7 sa pamumuno ni P/Maj. Patrick Alvarado ang pagdakip sa suspek sa pamamagitan ng paggamit sa dalawang dalagitang biktima na unang pinapunta sa bahay ni Domingo upang alamin kung naroon ang matanda habang nakamasid sa kanila ang dalawang naka-civilian na pulis.

Nang sumenyas ang mga biktima bilang hudyat na naroon ang suspek, kaagad na sumalakay ang mga pulis na nagresulta sa pagkakadakip kay Domingo at nakuha rin sa kanya ang mobile phone na may larawan ng hubo’t hubad na biktima.

Dalawang bilang na kasong Acts of Lasciviousness in relation to R.A. 7610 o Special Protection Against Child Abuse at paglabag sa Anti-Pornography Act ang isinampang kaso ng pulisya laban sa suspek sa piskalya ng Malabon. (ROMMEL SALES)

About Rommel Sales

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …