Friday , February 7 2025
AJ Raval Wilbert Ross

AJ naiyak panghuhusga ‘di na kinakaya

FACT SHEET
ni Reggee Bonoan

TUMANGGING magbigay ng update tungkol sa lovelife niya si AJ Raval sa ginanap na Crush kong Curly virtual mediacon nitong Miyerkoles dahil baka iba na naman ang maging dating sa iba.

Ang sagot niya, “Ayoko magsalita ng kahit ano tungkol sa love life kasi mahirap na. Ang worry ko kasi riyan eh, baka ma-judge lang ako uli.

“Kasi alam naman ng lahat na nito lang ‘di ba? Nagpakatotoo ako pero na-judge pa rin ako, I tried to explain, pero na-bash pa rin ako so, ayoko na lang…”

Inirespeto naman ng press na dumalo ang katwiran ni AJ kaya hindi na siya tinanong pa tungkol dito.

Pero hindi napigilang hindi maiyak sa tanong kung na-judge na ba siya na gusto niyang ipagtanggol ang sarili pero hindi pa rin siya naintintindihan.

May linya kasi sa Crush kong Curly si AJ na na-judge siya ng leading man niyang si Wilbert Ross kaya tinanong kung nangyari na ito sa kanila.

“Na-judge po ako, tingin ko alam ng karamihan dito (dumalo sa virtual mediacon). Hindi ako nagsinungaling nagsabi ako ng totoo pero na-judge pa rin ako,” pakli ng dalaga.

Sumunod ay napaiyak na siya, “nag-try akong mag-explain pero wala pa ring makaintindi (sabay pahid sa mga mata). Ayaw ko na po munang sagutin, nagwo-worry po ako na mag-explain ako tapos mami-misinterpret na naman ako ng ibang tao, thank you.”

Samantala, bumagay ang curly hair kay AJ kaya lagi pala siyang nagpapakulot dahil alam niyang bagay sa kanya.

“Hindi po ako talaga kulot, pinakukulot ko lang,” say ng dalaga.

Sa tanong kung may babaguhin si AJ sa ugali niya lalo’t malapit siya sa mga lalaki.

“Hindi. Wala akong babaguhin. Ito na ako eh. I’m a naturally friendly person. Dito ako masaya, sa pagiging ganito, bakit ko babaguhin?

“I know na mi-misinterpret ako minsan pero I grew up surrounded by boys. Mas sanay ako talaga sa kanila, mas komportable ako. Maraming boys sa family namin eh. So, kung babaguhin ko ang pakikitungo sa kanila, que katrabaho o kaibigan? Hindi.”

Oo nga naman, bakit kailangang baguhin ang nakasanayan na at bahala na ang ibang tao kung ano ang intindindi nila.

Anyway, mapapanood na ang Crush Kong Curly sa Disyembre 17 sa Vivamax mula sa direksiyon ni GB Sampedro produced ng Viva Films.

Kasama rin sa pelikula sina Maui Taylor, Chad Kinis, Loren Mariñas, Andrew Muhlach, Madelaine Red, Sab Aggabao, Gab Lagman, Jao Mapa, at Gina Pareño.

About Reggee Bonoan

Check Also

Gladys Reyes Christopher Roxas

Gladys mahirap pantayan, tumatak na bilang bida-kontrabida

HARD TALKni Pilar Mateo TRULY! Maituturing na Darlingsof the Press ang power couple na sina Gladys …

Herlene Budol Binibining Marikit

Herlene iginiit ayaw nang mainlab sa kapartner

MA at PAni Rommel Placente SA mediacon ng bagong serye ng GMA 7 na Binibining Marikit, inamin ng …

Gandang Gabi Vice Angel Locsin PGT

Ogie Diaz kinompirma, dating show ni Vice Ganda na GGV ibabalik; Angel mapapanood sa PGT?

MA at PAni Rommel Placente IBINALITA ni Ogie Diaz sa vlog nila ni Mama Loi at Tita Jegs na Showbiz Update na ibabalik …

Barbie Hsu Connected Meteor Garden

Barbie Hsu bahagi na ng Pinoy culture

PUSH NA’YANni Ambet Nabus MARAMI pa rin ang nagbibigay ng kanya-kanyang ‘pasasalamat’ sa yumaong si Barbie …

Maymay Entrata Pia Wurtzbach Heart Evangelista

Maymay posibleng gayahin Pia at Heart, kakarerin projects sa int’l runway

PUSH NA’YANni Ambet Nabus BONGGA rin ang goal ni Maymay Entrata na re-introduce ang sarili very soon. …