Thursday , March 28 2024
Shaira Diaz

Shaira dream come true ang mailagay sa EDSA billboard

RATED R
ni Rommel Gonzales

KAHIT may mga artista mula sa ibang estasyon na nagsisilipat sa GMA, hindi pinababayaan ng Kapuso Network ang kanilang mga artist. 

Sa katunayan, sunod-sunod ang renewal kamakailan ng GMA sa kanilang mga contract star tulad nina Arra San Agustin, David Licauco, Christian Bautista, Shaira Diaz, Max Collins, Ervic Vijandre, at Andrea Torres.

Kaya naman ikinatuwa ng labis ni Shaira na sa ikaapat na taon ay Kapuso pa rin siya.

“Iyon nga po eh, nagulat din po ako! 

“I mean, nakatutuwa, ang sarap po sa pakiramdam na ini-renew po nila ako. Siyempre sobrang nagpapasalamat ako kasi ever since na nag-start ako noong 2018 po with them, ang gaganda po ng mga project na inilatag sa akin at ipinagkatiwala sa akin.

“Especially ‘yung ‘Love You Two’ with Jennylyn tapos nakasama ako sa love triangle nila ni Kuya Gabby.”

Umere sa GMA noong April 2019 ang Love You Two na bida sina Jennylyn Mercado, Shaira, at Gabby Concepcion.

“So roon pa lang, naramdaman ko na pinagkakatiwalaan nila ako kasi para maisama ka roon as third wheel, naging mag-boyfirend-girlfriend kami ni Sir Gabby, tapos ate ko si Jennylyn, ang sarap sa pakiramdam, sobrang nagpapasalamat po ako sa GMA.”

Samantala, nabanggit namin kay Shaira na nakita sa Instagram posts niya ang labis niyang katuwaan tungkol sa bilboard niya sa EDSA na inilagay noong Mayo para sa Bench Skin Expert na napapagitnaan siya nina Richard Yap at Pambansang Kamao Manny Pacquiao

Banggit nga namin kay Shaira, hindi lahat ng artista ay pinapalad na magkaroon ng billboard, lalo na sa parteng iyon ng EDSA.

“Iyon nga po, eh! Si Pacman pa ‘yung ano…Sobrang saya rin, dream come true ‘yun kahit noong bata pa lang ako, nag-i-start pa lang ako as commercial model sa mga TV commercial.

“So iyon, isang malaking bagay na mailagay ka kasi parang ‘pag EDSA/Guadalupe parang iyon ‘yung major na billboard eh, so dream come true po talaga ‘yun. Sobrang nagpapasalamat din ako siyempre sa Bench family ko kasi inilagay nila ako roon, napili nila akong ilagay.

“Na parang hindi ko akalain na anytime sooner na mailalagay ako roon.

“Sobrang nagpapasalamat ako, parang sabi nila na parang, hindi kompleto ‘yung pagiging artista mo kung hindi ka mabi-billboard doon, so it’s an honor na mailagay doon,” ang masayang sinabi pa ni Shaira.

Malapit ng mapanood si Shaira sa Lolong ng  GMA na sila nina Ruru Madrid, Arra San Agustin, at Christopher de Leon ang mga bida. 

Napapanood din si Shaira sa I-Bilib kasama nina Chris Tiu at ng mahusay na komedyanteng si Roadfill Macasero na nagagawang masaya at puno ng kaalaman ang inyong Sunday mornings,  with I-Bilib!

About Rommel Gonzales

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …