Thursday , March 28 2024
Emeng Pascual, Ombudsman, Money

Mayor Emeng ng Gapan, kinasuhan ng P170-M graft sa Ombudsman

SINAMPAHAN ng kasong paglabag sa Anti-graft and Corrupt Practices Act (RA3019) ang alkalde ng Gapan, Nueva Ecija kasama ng apat pang opisyal ng lungsod kaugnay ng mahigit P170 milyong pondo na hindi maipaliwanag kung saan nagamit.

Sa 11-pahinang demanda na iniharap sa Office of the Ombudsman nitong 22 Oktubre 2021, tinukoy ng complainant na si Reynaldo Linsangan Alvarez, residente ng San Vicente, Gapan City, ang mga kinasuhan na sina Mayor Emerson “Emeng” Pascual, City Disbursing Officer Mauricio Ongjoco, acting City Social Welfare Chief, Simeon Villareal, former City Treasurer Bienvenido Molas, Jr., at Local Revenue Collecting Officer Adrian Ongjoco.

Ayon kay Alvarez, lumitaw sa record ng Commission on Audit (COA) na hindi nagsumite ng anumang dokumento si Mayor Pascual at mga kapwa niya kinasuhan kung saan nila ginamit ang P5,493,916 cash advance mula Setyembre 2018 hanggang Enero 2020 na umano’y nagastos para sa street lights, training and travelling expenses, conference meals at cash prices.

Sa kaparehong taon, mula Enero, Marso, Abril at Setyembre, nag-cash advance na naman umano si Mayor Pascual, et al, ng P42,114,000 para umano pambayad sa Cultura Presentation, CoVid-19 response, financial assistance, at sa speakers sa Kabataan kontra Droga at Terorismo.

Noong Oktubre-Nobyembre 2020, mayroon din umanong cash advance na P79,475.00 para sa cash assistance.

Petsang 16-29 Disyembre 2020, sina Mayor Pascual, City Medical officer ng Gapan na si Ma. Carina Arceli Bautista, at Adrian Ongjoco ay nag-cash advance na naman ng P12,723,850 para umano sa financial assistance at pension ng senior citizens sa lungsod.

Pinagpapaliwanag din ng complainant si Mayor Pascual kung paano ang naging paraan ng pamamahagi ng P39,169,000 Social Amelioration Program, P71,244,000  local disasters and management funds.

Batay sa COA Circular 47-002 na inilabas noong Pebrero 1997, ang mga cash advances ay dapat ginagawan ng liquidation report at isinusumite sa kanilang tanggapan kalakip ng mga resibo ng hindi bababa sa lima hanggang 60 araw.

Tahasang sinabi ng complainant, ang hindi pagsusumite ni Mayor Pascual at ng iba pang opisyal ng lungsod ay paglabag na sa batas kaya dapat umano silang mapatawan ng kasong kriminal at administratibo.

Kaugnay nito, hiniling din ng complainant sa Ombudsman na masuspendi si Mayor Pascual habang iniimbestigahan ang kaso upang hindi maimpluwensiyahan ang mga opisinang posibleng pagmulan ng mga ebidensiya laban dito. (HNT)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …