Sunday , December 4 2022
Jeric Gonzales, Therese Malvar

Jeric Gonzales, handa sa challenge ng pelikulang Broken Blooms

ALAM MO NA!
ni Nonie Nicasio

LABIS ang kagalakan ng Kapuso actor na si Jeric Gonzales dahil bukod siya ang bida sa pelikulang Broken Blooms na initial venture ng BenTria Productions ni Engr. Benjamin G. Austria, nagandahan ang aktor sa istorya nito.

Mga bigatin ang casts ng pelikula sa pangunguna nina Ms. Jaclyn Jose, Therese Malvar, Boobay, Royce Cabrera, Mimi Juareza, at Lou Veloso. Ito’y isinulat ni Direk Ralston Jover at pamamahalaan ni Direk Louie Ignacio.

Nagpasalamat si Jeric sa pagkakataong ibinigay sa kanya para sa naturang proyekto.

Aniya, “Unang-una siyempre, gusto kong magpasalamat sa ating producer na si sir Benjamin Austria sa opportunity na ibinigay nyo sa akin at sa aming lahat. Of course kay Direk Louie, noong una ay concept lang natin ito, pero ngayon ay heto na tayo.”

Ano ang unang naging reaksiyon niya nang nalamang siya ang bida rito?

Esplika ni Jeric, “Ang unang reaction ko, sabi ko ay napakasuwerte ko dahil marami po talaga ang naghahangad na magkaroon ng ganitong film, pero ako po ang napili nila.

“Kaya sabi ko, ‘I will do my best dahil ito na yung time ko para i-challenge naman ang sarili ko for this role na ako yung lead’. And then, ang tagal ko na ring hindi gumawa ng pelikula, parang 2016 pa yata yung Dementia with Ms. Nora Aunor, and Hustisya.

“So, ito na talaga, chance ko na ito, kaya maraming salamat po talaga.”

Sa pelikulang ito gumaganap si Jeric bilang si Jeremy, isang physical therapist undergrad. Maagang nag-asawa at ‘di natapos ang P.T. course; mukhang matino pero nasa loob ang kulo lalo na kapag naba-bad influence. Asawa niya rito si Therese at ina si Jaclyn. Si Jeremy ay naging kapit sa patalim noong magka-pandemic kaya kung ano-ano ang pinasok na trabaho.

Ang location nila ay ang Stobosa Hillside Colorful Homes, dating resettlement site na pininturahan ng matitingkad na primary colors ang mga bahay. Naging major tourist attraction ito sa Trinidad Valley, Benguet.

About Nonie Nicasio

Check Also

Decibel movie

Decibel makapigil-hiningang Korean action movie 

HINDI ko maiwasang hindi mapatili sa maraming tagpo ng isang Korean movie na mapapanood na …

Dr Art Cruzada Ate Gay Queen Eva Salon

Ate Gay bibigyan ng Queen Eva Salon franchise ni Dr Art

SHOWBIZ KONEKni Maricris Valdez Nicasio BONGGA talaga si Dr Arthur Cruzada, may-ari ng Queen Eva Salon …

Rey Paulo Ortiz

Rey Paulo Ortiz ibinahagi sa charity at mga katunggali perang napanalunan sa 2022 Prince Tourism Ambassador Universe 

MATABILni John Fontanilla NAKAMAMANGHA ang 2022 Prince Tourism Ambassador Universe na si Rey Paolo Ortiz dahil imbes na i-enjoy …

Jake Cuenca Baron Geisler

Jake Cuenca ‘di na umiinom, naging motivation si Baron

MATABILni John Fontanilla ISINAPUBLIKO ni Jake Cuenca na isa’t kalahating taon na siyang hindi umiinom ng alak. …

Hajji Alejandro Danny Javier

Hajji may rebelasyon kay Danny ukol sa salitang OPM

RATED Rni Rommel Gonzales MAY importanteng rebelasyon si Hajji Alejandro tungkol sa yumaong music icon na member …