Tuesday , January 31 2023

Sa Nueva Ecija
TULAK NANLABAN, UTAS SA ENKUWENTRO

PATAY ang isang hinihi­nalang tulak ng ilegal na droga matapos manlaban sa mga awtoridad sa isinagawang anti-illegal drug operation na nauwi sa enkuwentro sa Science City of Muñoz, lalawigan ng Nueva Ecija, nitong Sabado, 6 Nobyembre.

Batay sa ulat ni P/Col. Rhoderick Campo, acting provincial director ng Nueva Ecija PPO, dakong 1:20 am kamakalawa nang magkasa ang mga operatiba ng Drug Enforcement Unit ng Science City of Muñoz Police Station ng buy bust operation sa Brgy. Cabisuculan, sa nabanggit na lungsod laban sa suspek na kinilalang si Jerico Tud, alyas Ekong, residente sa Brgy. Bakal III, bayan ng Talavera, sa naturang lalawigan.

Nabatid na nakatunog si alyas Ekong na alagad ng batas ang kausap kaya agad siyang bumunot ng baril at pinaputukan ang operating troops dahilan upang gumanti ang mga pulis na nagresulta sa agaran niyang kamatayan.

Narekober na ebidensiya mula sa suspek ang isang kalibre .38 revolver, kargado ng bala; piraso ng selyadong plastic sachets ng hinihinalang shabu na may timbang na 2.5 gramo at tinatayang nagkakahalaga ng P17,000; sling bag, cellphone, marked money, at isang walang plakang Kawasaki Bajaj motorcycle na may sidecar.

 (MICKA BAUTISTA)

About Micka Bautista

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …