Sunday , August 14 2022
covid-19 vaccine for kids

Pagbabakuna sa kabataan sinimulan na sa Bulacan

SINIMULAN ng lalawigan ng Bulacan ang pagbabakuna sa500,000 populasyon ng kabataan na may edad 12-17 anyos sa Bulacan Provincial CoVid-19 vaccination site, Hiyas ng Bulacan Convention Center, sa lungsod ng Malolos, nitong Miyerkoles ng umaga, 3 Nobyembre.

Personal na binisita ni Gob. Daniel Fernando ang vaccination site upang makita ang simula ng pagbabakuna sa Pedia A3 o mga batang may comorbidity at ang Rest of the Pediatric Population (ROPP).

Sa kanyang mensahe sa programang pamamahagi ng Tulong Pang-Edukasyon para sa Bulakenyo na ginanap sa Bulacan Capitol Gymnasium, hinikayat ng gobernador ang mga kabataan na magpabakuna laban sa CoVid-19.

“Sa ngayon, mga kabataan na 12 to 17 years old ang ating binabakunahan. Inuuna lamang po ang mga may comorbidity. Kaya nakikiusap po kami sa inyo, magpabakuna po kayo dahil depensa po natin ito para sa ating kalusugan,” ani Fernando.

Idiniin din niya ang kahalagahan ng pagiging bakunado lalo ngayon na maaari nang lumabas sa kanilang tahanan ang mga menor de edad at maglaro ng contact sports kasabay ng pagluwag ng mga quarantine restriction dahil nasa ilalim na ng Alert Level 2 ang Bulacan.

Ani Fernando, paninindigan niya ang kahilingang ipagpaliban ang pagsisimula ng limitadong face-to-face classes sa lalawigan hangga’t binabakunahan ang mga kabataan laban sa CoVid-19.

“Nanindigan po ako na hindi muna ako papayag na magkaroon kayo ng face-to-face dahil kailangan mabakunahan muna lahat ng ating mga kabataan hanggang dumating sila sa second dose. Maganda po ang laban natin sa CoVid-19 kaya pinayagan tayo sa mas maluwag na alert level system ngunit pangunahin pa rin ang ating pag-iingat,” anang gobernador.

Maaaring sagutan ng mga Bulakenyo ang registration form sa tinyurl.com/BULACANPediaReg para sa pagbabakuna sa mga kabataan at hintayin ang mensahe para sa iskedyul. (MICKA BAUTISTA)

About Micka Bautista

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …