Saturday , January 28 2023

Motorsiklo, nasagi ng truck
LOLONG RIDER, TODAS

HALOS madurog ang ulo at katawan ng isang 62-anyos mekaniko nang masagi ng isang truck ang kanyang minamanehong motorsiklo sa Caloocan City, kamakalawa ng gabi.

Dead on arrival sa Caloocan City Medical Center (CCMC) ang biktima na kinilalang si Felix Espinosa, residente  sa Interior Catmon, Malabon City, sanhi ng pinsala sa ulo at katawan.

Sa nakarating na ulat kay Caloocan City  Police Chief Col. Samuel Mina, Jr., dakong 6:00 pm, tinatahak ng biktima sakay ng motorsiklo ang kahabaan ng C3 Road patungong Rizal Avenue Ext., ngunit pagsapit sa kanto ng 7th St., Brgy. 124 ay nasagi ang motorsiklo ng kaliwang bahagi ng likuran ng truck.

Sa lakas ng impact, bumagsak ang motorsiklo sa kalsada hanggang magulungan ang biktima ngunit hindi huminto ang truck driver hanggang tuluyang tumakas sa hindi matukoy na direksiyon.

Isinugod ang biktima sa nabanggit na ospital ngunit idineklarang dead on arrival.

Patuloy ang imbestigasyon ng pulisya para sa posibleng pagkakilanlan ng truck at pagkaaresto sa driver nito. (ROMMEL SALES)

About Rommel Sales

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …