Most wanted rapist nasakote

ISANG 45-anyos akusado sa panghahalay sa isinagawang ang nasakote sa manhunt operation kontra most wanted persons (MWPs) sa Las Piñas City nitong 31 Oktubre.

Kinilala ni Southern Police District (SPD) chief, Brog. General Jimili Macaraeg ang akusado na si Arnel Gabad, 45 anyos, residente sa Barangay Elias Aldana, Las Piñas City.

Tinaguriang top 4 most wanted person ng Las Piñas City Police si Gabad para sa huling bahagi ng 2021.

Dakong 9:00 am nitong Linggo, isinagawa ang pag-aresto ng mga tauhan ng Warrant and Subpoena Section at Station Intelligence Section sa akusado sa kanyang tirahan.

Dinakip si Gabad sa bisa ng warrant of arrest sa kasong rape na inisyu ng Morong, Rizal Regional Trial Court Branch 79 sa ilalim ng Criminal Case No. 14-12070.

Walang inirekomendang piyansa ang korte para sa pansamantalang paglaya ni Gabad.

Nakapiit ang akusado sa custodial facility ng Las Piñas City. (GINA GARCIA)