Tuesday , March 19 2024
Bulabugin ni Jerry Yap
Bulabugin ni Jerry Yap

Travel ban exemption ng DFA, pinagkakakitaan nga ba?

BULABUGIN
ni Jerry Yap

NGAYONG unti-unti nang ibinababa ang CoVid-19 alert level sa karamihan ng lugar sa Filipinas, ito na ba ang hudyat upang ibalik sa normal ang sigla ng turismo sa bansa?

Sa ngayon ay kabi-kabila ang advertisement ng Department of Tourism (DOT) upang hikayating magbalik ang mga turista sa iba’t ibang tourists destinations gaya ng Boracay, Panglao, at Palawan.

Ang mga lugar ng Tagaytay at Baguio City ay nauna nang nagbukas ng kanilang mga atraksiyon upang pasiglahin ang turismo sa tinatawag na Summer Capital of the Philippines.

Ang mga karatig-bansa sa Asya gaya ng China, Taiwan, at Thailand ay binuksan na rin para sa mga turista sa kondisyong dapat sila ay kompleto sa bakuna.

Ang Filipinas bagama’t above normal level pa rin pagdating sa kaso ng CoVid-19 ay nakikiramdam kung susugal na papasukin ang mga turistang banyaga o ‘di kaya ay gamitin ang sitwasyon upang iwasang matuloy ang eleksiyon sa darating na 2022?

Sa totoo lang, ang mataas na antas ng CoVid-19 ang pinakamadaling dahilan upang hindi matuloy ang halalan sa Mayo.

Sa ngayon ay hindi naman problema kung kailangan pa ang hudyat ng Inter-Agency Task Force (IATF) para payagan ang pagpasok ng mga banyaga sa bansa.

Kinakailangang ang bawat papasok na foreigner ay makakuha ng ‘travel ban exemption’ sa Department of Foreign Affairs upang hindi na magkaaberya sa mga airport.

Actually, tila naabuso na nga ang sistema at sinasabing kahit hindi raw “legit” or potential investors at may existing 9(g) visa ay binibigyan na ng exemption sa DFA.

 “If the price is right?”

Kahit ipagtanong pa ninyo sa mga tirador na IOs diyan sa NAIA T3 at T1.

So, what is the use, para pag-isipan pang i-allow o hindi ang turismo sa bansa kung mayroon din namang tinitingnan at kinikilingan?

Much better na buksan sa lahat para bumalik ang normal na ekonomiya.

Matira na lang ang matibay sa CoVid-19. Kaysa naman ilan lang ang nakikinabang?!


Sa pagka-Chief PNP
PRO3 CHIEF BRIG. GEN.
VALERIANO DE LEON,
MANOK NI MAYOR SARA

HABANG nalalapit ang pagreretiro ni PNP chief Gen. Guillermo Eleazar sa darating na 13 Nobyembre,  lalo namang umiinit ang usap-usapan kung sino ang papalit sa kanya.

Isa sa maugong  ngayon ay si Police Regional Office (PRO) 3 director Brig. Gen. Val de Leon na personal na manok umano ni Davao City Mayor Sara Duterte.

Unang nakilala ni Inday Sara si De Leon noong Deputy Director for Operations ng Police Regional Office 11. Ang ranggo noon ni Val ay colonel at bilang dating hepe ng Davao City Police Office at Davao Oriental Police Provincial Office, si De Leon ang nanguna sa binuong Special Investigation Task Group nang pasabugin ang night market sa lungsod noong 2 Setyembre 2016,  na ikinamatay ng 15 katao at 69 iba pa ang nasugatan.

Napahanga ang madla dahil naging masusi ang isinagawa nilang imbestigasyon. Dahil sa husay din magharap ng matitibay na ebidensiya, 11 suspects na  miyembro ng terrorist group na Maute Group ang nahatulang guilty ng Taguig Regional Trial Court sa maramihang pagpatay at multiple attempted murder.

Miyembro si De Leon ng  Makatao Class of 1989 ng Philippine Military Academy (PMA). Kaklase niya ang kapwa contender sa pagka-CPNP na sina PNP Deputy Director for Operations Maj. Gen. Rhodel Sermonia at CIDG chief Brig. Gen. Albert Ferro. Isa pang umuugong na papalit kay Eleazar si NRCPO chief Brig. Gen. Vicente Danao na miyembro ng PMA Sambisig Class of 1991.

Kamakailan, ang PRO3 na pinamumunuan ni De Leon ang tumanggap ng Best Police Regional Office sa buong Filipinas dahil sa hindi matawarang accomplishments ng heneral na dating aide-de-camp ni ret. CIDG chief at ngayo’y Antipolo City Rep. Romeo Acop.

Ilan sa pinakamalaking accomplishments ng grupo ni De Leon ay nang mapatay ang apat na Chinese drug lords sa Zambales kung saan nakarekober ng mga awtoridad ang mahigit 500 kilo ng shabu na tinatayang nagkakahalaga ng P3.5 billion.

Matapos ang matagumpay na operasyon noong 7 Setyembre, taong kasalukuyan, sa Bgy. Libertador, Candelaria, Zambales, nagkaroon pa ng sunod-sunod na pagsalakay sa Bataan, Cavite at ilang kanugnog na lalawigan.

Katuwang ng PRO3 sa operasyong ito ang National Intelligence and Coordinating Agency (NICA) at Philippine Drug Enforcement Agency (PDEA) na dahilan din upang personal silang papurihan ni Eleazar.

Si De Leon ang kauna-unahang naging heneral sa kanyang batch at kahit noong police major pa lamang ay nahirang na rin ang grupong pinamumunuan niya bilang Best Regional Mobile Group of the Year noong 2006, na mismong ang Pangulong Gloria Macapagal-Arroyo ang nagbigay parangal sa kanya.

Taon 2016, mismong ang Pangulong Duterte ang sumaksi nang hirangin naman si De Leon bilang Best Senior Police Commissioned Officer of the Year for Administration. Tumanggap din siya ng Gold Award mula sa Presidential Anti-Corruption Commission dahil sa ginawang online at ‘no contact policy’ sa lahat ng nais mag-apply ng lisensiya ng baril.

Sinasabing ito rin ang dahilan upang masawata ang red tape at corruption sa mga transaction sa PNP Firearms and Explosives Office.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Dragon Lady Amor Virata

Surot, surot at surot pa…

Isumbong mokay DRAGON LADYni Amor Virata MAPUPULANG pantal at ubod nang kating naranasan ng ilang …

Sipat Mat Vicencio

Sobrang epal ni Bong Revilla

SIPATni Mat Vicencio DAHIL na rin sa mga kapalpakang ginagawa ni Senator Ramon “Bong” Revilla, …