Tuesday , March 19 2024
Valenzuela BikeCINATION

May kasamang livelihood assistance
56 VALENZUELANO NAKATANGGAP NG LIBRENG BISIKLETA

INILUNSAD ng pamahalaang lungsod ng Valenzuela sa pakikipagtulungan sa Department of Labor and Employment – National Capital Region (DOLE-NCR) ang BikeCINATION Project at provision ng e-Loading livelihood assistance na ipinagkaloob sa 56 benepisaryo.

Sa tulong ng City Public Employment Service Office (PESO), 56 benepisaryo ang sumailalim sa social preparation training para matiyak ang sustainability ng kanilang kabuhayan sa pamamagitan ng proyekto.

Ang mga benepisaryo ay kabilang sa displaced workers na apektado ng health at economic crisis sa pandemyang dulot ng CoVid-19, out-of-school youth, at persons with disabilities (PWDs) na certified fully vaccinated.

Sila ay nakatanggap ng libreng bisikleta na may insulation bag, protective helmet, reflective vest, bike rack, water bottle, smartphone, at electronic load wallet na may P5,000 halaga ng load para suportahan ang kanilang delivery start-ups.

Dumalo sa awarding ceremony si Mayor Rex Gatchalian kasama sina Atty. Marion Sevilla, DOLE-NCR Assistant Regional Director, DOLE CAMANAVA Field Office Director Rowella Grande, DOLE-CAMANAVA Senior Labor Officer Ronald del Rosario, at Livelihood Coordinator Carlo Gatchalian.

Hinikayat ni Carole Malenab, Public Affairs Manager ng GRAB Philippines, ang mga benepisaryo na mag-apply bilang GRAB freelancer sa buong lungsod gamit ang kanilang bagong bisikleta bilang karagdagang pinagkukunan ng kabuhayan.

Ang DOLE BikeCINATION ay isang espesyal na proyekto sa ilalim ng DOLE Integrated Livelihood Program na naglalayong pagaangin ang epekto ng pandemya sa pamamagitan ng insentibo sa informal sector workers sa A4 category na nakakompleto ng dalawang dose ng CoVid-19 vaccines.

Target ng proyektong hikayatin ang informal sector workers na magpabakuna upang makatulong sa paglaban ng bansa sa pandemya. (ROMMEL SALES)

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …