Monday , July 15 2024
YANIG ni Bong Ramos
YANIG ni Bong Ramos

Masyadong personalan, isantabi ng presidentiables

YANIG
ni Bong Ramos

ISANTABI muna ng ating presidentiables ang masyadong personalan laban sa isa’t isa partikular sa social media at iba pang media outlet.

Hindi pa man nagsisimula ang campaign period ay sobrang maaanghang na mga salita na ang maririnig natin na ipinupukol sa kani-kanilang mga kampo.

Harinawa’y makitaan sila ng magandang halimbawa ng publiko na bagama’t sila ay magkakatunggali ay may natitira pang respeto at

paggalang na makikita sa kanilang pagkatao.

Isang magandang halimbawa nito ang pagbati sa anomang okasyon gaya nang nagdaos si Yorme Isko Moreno ng kanyang kaarawan kamakailan. Ano ba naman na batiin siya ng maligayang kaarawan o happy birthday.

Kahit isa yatang kapwa presidentiable ay walang bumati. Sana naman sa ganito man lang kaliit na bagay ay makitaan at maramdaman ang isa’t isa.

Ang pagbati ay senyales ng pagbibigay pugay na hindi naman ikamamatay o magiging kabawasan sa kanilang kandidatura kung kaya’t nasabi nating huwag sanang masyadong mamagitan ang sobrang personalan.

Be a good sport, ‘ika nga na dapat lang magsimula sa kanila at iyon nga ang respeto sa isa’t isa at siyempre ay nandoon na rin ang kababaan ng loob o humility.

Ito ay simpleng pahiwatig lang na ang kanilang pagtakbo sa pagkapangulo ng bansa ay para sa kapakanan ng bayan at hindi sa pansarili nilang interes.

Magkakaiba lang naman siguro sila ng aspekto sa kanilang nais gawing palakad sa bansa ngunit siyento por siyento ay walang maghahangad sa kanila na mapariwara ang sambayanang Filipino.

Sa simpleng salita, iwasan muna ang mga personalang usapin na nagiging sanhi ng sobrang pamomolitika na puno’t dulo ng hidwaan at hindi pagkakaintindihan.

Sana’y hanggang matapos ang eleksiyon ay maging magkakaibigan pa rin sila na sumasalamin na isa silang tunay na lalaki hindi lamang bilang isang politiko.

Matutuhan sana nila ang simpleng pagbati sa isa’t isa sa anomang okasyon huwag lang sa obituary o requiem mass he he he. Mas maganda sigurong marinig sila habang buhay pa kaysa isang bangkay na, ‘di po ba?

Vox Populi, Vox Dei… ano man ang nakatakda ay nakatakda dahil the voice of the people is the voice of God.

Ngayon pa lang ay binabati ko na kayong lahat. Congratulations and may the best man win…

About Bong Ramos

Check Also

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …

FIRING LINE ni Robert B. Roque, Jr.

Wanted ngayon: DepEd chief

FIRING LINEni Robert B. Roque, Jr. KUNG gaano kabilis tinalikuran ni Vice President Sara Duterte-Carpio …

Sipat Mat Vicencio

Sara mag-ingat sa pambobola ni Imee

SIPATni Mat Vicencio NGAYONG pormal nang nagbitiw si Vice President Sara Duterte bilang Secretary ng …