Monday , August 15 2022
Kiko Matos, Manipula

Kiko Matos aktibo sa pelikula at serye kahit pandemya

HARD TALK!
ni Pilar Mateo

SA loob lang ng limang-araw natapos ni Direk Neal “Buboy” Tan ang mahahalagang eksena ng kanyang Manipula na pinagbibidahan niya Ana Jalandoni at ng kontrobersiyal ngayong si Aljur Abrenica sa Pampanga.

Suspense-thriller ang tema ng istorya ni Direk para kina AJ at Aljur.

Oo, napansin namin na AJ ang initials ni Ana. Kaya tinukso na ng mga kaharap na press si Aljur na mukhang mahilig talaga ito sa initials na AJ.

Hindi naman skitzo ang katauhan ni Ana sa pelikula pero sasakay pa siya sa limang katauhan para lang magawang paghigantihan ang mga taong nagkaroon ng atraso sa kanya.

Isa  nga sa paghihigantihan ng karakter ni Ana ay ang napapabilang na sa hanay ng mga nagko-kontrabidang si Kiko Matos.

Hindi naman siya ang gumanap na rapist ni Ana sa pelikula. Pero sizzling na masasabi ang mga eksena nila nito sa magiging engkuwentro nila.

Nagpapasalamat naman si Kiko sa mga biyaya.

“After ng closing ng ABS-CBN, nawalan ako ng trabaho. Marami kami. Pero nagkaroon ako ng pagkakataon na magamit ang mga ibang platform gaya ng YouTube. Roon ako nagkaron ng Kiko Matos TV.

“Nakita ko naman ang reaction talaga ng mga tao na marami ang galit sa akin. Ako naman, I am just enjoying it. Iba-iba ang ginagawa ko. Basketball. Boxing. Online.

“Hindi naman nagtagal, streaming na ang ginagawa ko. On the side, kahit nagka-pandemya na nakagagawa pa rin ng mga pelikula, mga serye. 

“Kami ni Baron (Geisler)? Okay na okay. Ang layo na nga niya. Gusto ko nga siya makita. Malay mo makapag-organize tayo ng trip to Cebu para madalaw siya. Tapos na ‘yung journey namin na ‘yon.”

Papasok na ang halalan. Ang panahon ng kampanya. May mga nanliligaw na ba kay Kiko para suportahan niya? At alam na ba niya ang iboboto niyang Pangulo sa 2022?

“Wala pa namang nagpaparamdam. Pero mayroon na akong pinagpipilian. Either si BBM or si Ping Lacson. Pero mas nakapaling ako kay Ping. Sinusubaybayan, binabasa, at pinanonood ko naman ang lahat ng tungkol sa kanila like sa ping.com.ph.

“Noon pa lang namang nagsimula siya bilang Senador, marami na siyang mga nagawa para makuha niya ang trust ng sambayanan. Mula sa hindi paggamit ng pork barrel niya hanggang sa pagiging walang bahid pagdating sa korapsyon. Marami pa. Sila ni BBM ang naiisip ko. Pero sa ngayon, mas si Ping ang napupusuan ko. Kaya pasok ang ka-tandem niya na susuportahan ko.”

Nagsisikap na mabuti si Kiko sa kanyang bukay sa harap ng kamera yaman at isa na siyang pamilyadong tao.

“Iba na ngayon. Kapag may mga mahal ka sa buhay, asawa at anak na inaalala mo na sa bawat galaw mo, aalagaan mo na ang bawat galaw mo.”

Natanong ko si Kiko at mga kasama niya kung paano niya masasabing sexy ang isang lalaki. What makes a man sexy?

“Wala sa pisikal. Nakikita ‘yun sa paninindigan niya.”

At siguradong hindi nagma-manipula. Na gaya ng babaeng makasasagupa niya sa eksena nila.  

About Pilar Mateo

Check Also

Imee Marcos Maid in Malacanang

Maid in Malacanang patuloy na pinipilahan; Sen Imee tiyak ang pagtulong sa industriya

COOL JOE!ni Joe Barrameda TULOY-TULOY ang mga nanonood ng Maid In Malacanang na tumatabo sa takilya. Ang …

Arrah Garcia

Arrah Garcia, type maging kontrabida sa pelikula

ALAM MO NA!ni Nonie Nicasio ANG newbie actress na si Arrah Garcia ay kabilang sa …

Sean de Guzman Cloe Barreto

Sean de Guzman, nagulo ang buhay dahil kay Cloe Barreto

ALAM MO NA!ni Nonie Nicasio LANGIT sa kama ang mararanasan ng isang lalaki kasama ang …

ABS-CBN TV5 MVP Mediaquest Mark Lopez Carlo Katigbak Jane Basas Al Panlilio

Pagsasanib ng ABS-CBN at TV5 pinalawak pa: Investment signing agreement sinelyuhan 

LEVEL-UP na ang pagsasanib-puwersa ng ABS-CBN at TV5 matapos ang naganap na contract signing para sa isa na namang …

Arnel Ignacio malacanan

Arnell itinalagang OWWA Administrator, pag-aartista ‘di iiwan

MA at PAni Rommel Placente BONGGA si Arnell Ignacio dahil may posisyon na ulit siya sa gobyerno, …