Sunday , August 14 2022
Adrian Alandy, Kylie Verzosa,  Cindy Miranda, Marco Gumabao

CINDY SA PAGKAWASAK SA PAG-IBIG — Ang hirap kailangan mong saktan ang sarili mo

FACT SHEET
ni Reggee Bonoan

SA apat na bida ng My Husband, My Lover na sina Kylie Verzosa, Adrian Alandy, Cindy Miranda, at Marco Gumabao, ang loveless na si Cindy lang ang nakare-relate sa karakter niya bilang babaeng niloko ng dyowa.

Ito ang inamin niya sa virtual mediacon ng bagong pelikula ng Viva Films na mapapanood sa Nobyembre 26 sa Vivamax mula sa direksiyon ni Mac Alejandre.

“Ako lang yata ang nakare-relate sa karakter ko rito kasi kailangan kong hukayin kung anong nangyari in the past. So, ang hirap kasi kailangan mo uling saktan ang sarili mo.

“Ang karakter ko kasi rito ay very strong ang personality pero deep inside, wasak talaga. Sobra ‘yung pagmamahal niya sa taong ‘yun na ginawa niya lahat as in lahat.

“Alam mo ‘yung sobrang talino niyang tao pero pagdating sa love ‘yun (mahina),” tila naiiyak na kuwento ng dalaga.

Kaya sundot na tanong ni Adrian, ”Nangyari na sa iyo sa totoong buhay ito, Cindy?”

At dahil mukhang bibigay na ang aktres ay nagkatawanan ang tatlong kasama niyang sina Kylie, Adrian, at Marco at nakitawa na rin siya.

Sa pagpapatuloy ni Cindy, ”Sobrang talino mo ganoon.  Sa love, puso mo talaga ‘yung gumagana na wala namang problema roon ‘di ba kasi kapag nagmamahal naman tayo dapat naman ibigay natin lahat, ‘di ba?

“’Yun nga hindi ka masuklian sa pagmamahal mo pero masakit pa rin kasi sana mahal ka rin niyong taong mahal mo kasi ready ka talagang ibigay lahat.

“‘Yun ‘yung karakter ko na ang sarap i-play pero siyempre masakit kasi maalala mo, at ‘yun nga naalala ko ‘yung nangyari sa akin before.”

Ang sunod na tanong ay kung kaya niyang mag-forgive sa taong mahal niya kapag niloko siya.

“Sagi (Sagitarius) kasi ako, nabanggit ko lang. Ang sagi kasi ay very optimistic na tao so, kahit nasasaktan, may mga nangyaring hindi maganda sa kanya o niloloko siya ng ilang beses.

“Optimistic na tao na mabilis mag-move on o mag-forgive ng tao, so I think ‘yun nga ang nangyari sa past relationship ko,” sambit pa ng aktres.

Pero hindi niya sigurado na ang susunod niyang karelasyon ay ganoon pa rin siya, na matatanggap niya kapag niloko siya.

“Hindi ko sure kung sa next relationship ko kung ganoon pa rin ako or maybe wiser ako sa next relationship ko, I hope of course kasi sino ba naman ang gustong magmahal ng hindi ka minamahal, ‘di ba?” pahayag ni Cindy.

Dagdag pa, ”Kahit po mabilis kaming mag-forget sana ‘yung mga susunod ‘wag n’yo naman kaming lokohin.”

Mismong si Marco na ang nanawagan na kung sino man ang susunod na maging boyfriend ni Cindy ay sana hindi na siya lokohin at masuwerte ang lalaking mamahalin ng aktres dahil ito na rin ang gusto niyang makasama hanggang huli.

Anyway, bukod sa VIVAMAX Philippines ay mapapanood din ito sa Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, the Middle East, at Europe sa Nobyembre 26.

About Reggee Bonoan

Check Also

Imee Marcos Maid in Malacanang

Maid in Malacanang patuloy na pinipilahan; Sen Imee tiyak ang pagtulong sa industriya

COOL JOE!ni Joe Barrameda TULOY-TULOY ang mga nanonood ng Maid In Malacanang na tumatabo sa takilya. Ang …

Arrah Garcia

Arrah Garcia, type maging kontrabida sa pelikula

ALAM MO NA!ni Nonie Nicasio ANG newbie actress na si Arrah Garcia ay kabilang sa …

Sean de Guzman Cloe Barreto

Sean de Guzman, nagulo ang buhay dahil kay Cloe Barreto

ALAM MO NA!ni Nonie Nicasio LANGIT sa kama ang mararanasan ng isang lalaki kasama ang …

ABS-CBN TV5 MVP Mediaquest Mark Lopez Carlo Katigbak Jane Basas Al Panlilio

Pagsasanib ng ABS-CBN at TV5 pinalawak pa: Investment signing agreement sinelyuhan 

LEVEL-UP na ang pagsasanib-puwersa ng ABS-CBN at TV5 matapos ang naganap na contract signing para sa isa na namang …

Arnel Ignacio malacanan

Arnell itinalagang OWWA Administrator, pag-aartista ‘di iiwan

MA at PAni Rommel Placente BONGGA si Arnell Ignacio dahil may posisyon na ulit siya sa gobyerno, …