Monday , April 15 2024
Covid-19 fully vaccinated senior citizen

FULLY VACCINATED SENIOR CITIZENS, PUWEDE NANG ‘MAGLAMYERDA’

PINAPAYAGAN na ang mga fully vaccinated senior citizen na makalabas ng bahay at makapasyal sa mga mall sa Metro Manila sa ilalim ng Alert Level 3 hanggang 31 Oktubre 2021.

“Hindi po natin binabawi iyong incentive na ibinigay natin sa seniors na kapag sila ay vaccinated e pupuwede po silang pumunta sa malls at pupuwede silang lumabas ng bahay, ganoon pa rin po iyon,” ayon kay Presidential Spokesman Harry Roque kasunod ng mga ulat na ilang mall ang hindi pinapapasok ang fully vaccinated senior citizens.

“Ang hindi natin ina-allow pa ngayon ay iyong mga menor de edad na magpunta sa malls kasi hindi sila bakunado po, unlike the senior citizens na posibleng bakunado na sila. Dalhin lang po iyong inyong VaxCertPh or iyong proof of vaccination at ipakita sa mga malls,” ani Roque.

Kaugnay nito, inaprobahan ng mga alkalde sa Metro Manila ang pagbiyahe ng mga kabataang may edad 18-anyos pababa kapag kasama ang kanilang mga guardian, ayon kay MMDA Chairman Benhur Abalos.

Puwede na rin ang individual outdoor exercises para sa mga menor de edad basta kasama ang kanilang guardian.

Sinabi ni Abalos, hihilingin nila ang extended mall hours bilang bahagi ng paghahanda sa Kapaskuhan.

Aniya, maaring magbukas ang mga mall ng 10:00 o 11:00 am at magsasara ng 9:00 o 10:00 ng gabi o kahit hanggang 12:00 ng hatinggabi.

Paliwanag niya, ito’y upang maiwasan ang sobrang bigat ng trapiko sa mga lansangan dahil maaaring magsabay ang pagpasok sa mga trabaho sa mga magtutungo sa malls.

Nais din aniyang ipagbawal ang ‘weekday sales.’

“Ito ay gagawin lang tuwing Sabado o Linggo, o kung meron lamang holidays. Ito’y sisimulan natin sa kalagitnaan ng Nobyembre,” sabi niya.

About hataw tabloid

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …