Thursday , December 2 2021
Colin Powell

First Black American Secretary of State
COLIN POWELL PATAY SA COVID-19 COMPLICATIONS

BINAWIAN ng buhay si Colin Powell, isang retired four-star general na naging kauna-unahang Black US secretary of state at chairman ng Joint Chiefs of Staff kamakalawa dahil sa mga komplikasyong dulot ng CoVid-19.

Ayon sa isang kalatas ng pamilya Powell na ipinaskil sa Facebook, si Powell, 84, ay fully vaccinated ng bakuna kontra CoVid-19 at nasa Walter Reed National Medical Center dahil sa iba pang mga sakit gaya ng multiple myeloma at Parkinson’s disease.

Sumailalim sa operasyon para sa prostate cancer si Powell noong siya’y secretary of state sa ilalim ng administrasyon ni President George W. Bush.

Bilang chief diplomat, inihayag ni Powell sa pamosong talumpati sa United Nations Security Council noong Pebrero 2003 ang argumento ng White House sa pagsakop sa  Iraq bunsod sa nakalap na ebidensiya ng intelligence coomunity na may nakatagong weapons of mass destruction sa naturang bansa.

Ang mga iniharap niyang ebidensiya kaugnay sa biological weapons ng Iraq ay napatunayang hindi totoo at noong mare-elect si Bush noong 2004 ay lumisan si Powell sa administrasyon.

Sa panayam kay Barbara Walters sa ABC News noong 2005, sinabi ni Powell na pinagsisihan niya ang mga naging pahayag niya sa UN noong 2003 at ito’y habambuhay na nag-iwan ng mantsa sa kanyang record at dadalhin niya ang sakit na idinulot nito.

Kahit miyembro ng Republican Party, inendoso niya ang presidential bid ni Democrat standard bearer Barack Obama noong 2008 at 2012 at naging vocal critic siya ni President Donald Trump.

Matapos ang pag-atake ng Trump supporters sa Capitol noong 6 Enero 2021, tuluyan nang tinlikuran ni Powell ang Republican Party. (ROSE NOVENARIO)

About Rose Novenario

Check Also

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Huli sa aktong nagka-Cuajo
4 SUGAROL TIMBOG SA TARLAC

ARESTADO ang apat katao nang mahuli sa akto ng mga awtoridad habang nasa kainitan ng …

2 babaeng miyembro ng kulto minolestiya
‘FAKE HEALER’ KALABOSO SA ABUSO

ARESTADO ang lider ng isang pinaniniwalaang kulto sa bayan ng Asturias, lalawigan ng Cebu dahil …

Manny Asuncion

Sa pagpatay sa labor leader
MURDER VS 17 PARAK SA BLOODY SUNDAY

NAHAHARAP sa kasong murder ang 17 pulis na sangkot sa pagpatay kay labor leader Manny …

120221 Hataw Frontpage

Tagos hanggang 2022 elections
PAGKAWALA NI EVASCO SA PALASYO, DAGOK SA DUTERTE ADMIN

MALAKING dagok sa administrasyong Duterte ang pagkawala ni dating Cabinet Secretary Leoncio Evasco, Jr., at …