Tuesday , March 19 2024
fake news

Gibaan sa socmed rumatsada na publiko mag-ingat sa fake news

BULABUGIN
ni Jerry Yap

MGA MAGULANG panahon ngayon para bantayan o turuang maging matalas ang inyong anak sa pagbabasa sa social media.

        Alam naman natin sa panahon ngayon, nag-umpisa na ang bakbakan ng mga politiko gamit ang social media. Kay dapat mag-ingat ang publiko sa mga kumakalat na fake news.

        Nagtataka naman tayo kung bakit paboritong pukulin ngayon ng ‘fake news’ ang Batang Maynila na si Mayor Isko Moreno.

        May nagsasabing hilaw pa si Isko bakit tumakbong presidente agad. Hindi nila alam kung ilang taon nang naglilingkod sa serbisyo publiko si Isko at sa bawat termino ng kanyang panunungkulan ay mayroon siyang naihandog sa mamamayan.

May nagpakalat pang ‘Iskomunista Jomagoso’ para lang bahiran ang makatao, makabayan, at maka-Diyos na diwa ng alkalde ng Maynila.

        Kabi-kabila rin ang upak hinggil sa kanyang katapatan o pakikipagsabwatan umano sa kasalukuyang administrasyon, para lamang pulaan ang kanyang kredibilidad.

        Hindi nila narinig ang sinabi ni Isko sa kanyang talumpati nang ideklara niyang tatakbo siya bilang pangulo ng bansa — desmayado siya sa pagtugon ng administrasyon sa pandemyang dulot ng CoVid-19.

        May nagsasabing, huwag na tayong mag-presidente ng mayor, kasi mga utak-mayor lang talaga sila, gaya nga raw ni dating presidente Joseph Estrada at kasalukuyang presidente Rodrigo Duterte.

        Si Estrada ang unang presidenteng na-impeached dahil sa plunder o pandarambong, habang si Duterte ay iniuugnay ngayon sa mga kontrobersiyal na transaksiyon ng Phramally Pharmaceutical Corp.

         Kamakailan, swapping naman ng mga staff ni Isko at ni Senator Bong Go ang kumalat na fake news na pawang itinanggi ng mga isinasangkot  na kampo.

        Kinukuwestiyon din ang pagkakaugnay niya kay Lito Banayo na kilalang naging malapit at naglingkod sa kung sino-sinong politiko.

        Marami tuloy ang nagtatanong, ganoon ba talaga kalakas si Mayor Isko?

        Aba e buong ‘demolition job’ yata e sa kanya nakatutok.

        Kaya ang masasabi natin, ingat-ingat lang po sa social media ngayon dahil maya’t maya may lumulutang na fake news.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://www.hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …