Tuesday , July 16 2024
Rodrigo Duterte, Bongbong Marcos, Sara Duterte

Digong ‘nega’ kay BBM bilang tandem ni Sara

AYAW ni Pangulong Rodrigo “Digong” Duter­te na maging running mate ng kanyang anak na si Davao City Mayor Sara Duterte ang anak ng diktador, talunang vice presidential bet at dating Sen. Ferdinand “Bongbong” Marcos.

Inihayag ito ni Earl Parreño, isang political analyst at awtor ng Beyond Will and Power, biography ni Duterte.

“Sa tingin ko, base sa nababalitaan ko, ayaw ni Digong na ang magiging tandem ay Sara Duterte-Bongbong Marcos, ayaw n’ya ‘yan,” aniya sa panayam sa The Chiefs sa OneNewsPh.

Hindi aniya gusto ni Pangulong Duterte na madamay si Sara kay Bongbong at maging target ng kritisismo ng oposisyon kaya dapat ay hiwalay na tumakbo ang alkalde.

“First, mana-narrow ang target. Duterte-Marcos isang slate, mana-narrow down ang target ng opposition doon sa kanilang dalawa. Gusto niyang maghiwalay para hindi mapupuruhan si Sara sa (mga) criticisms. Halimbawa ‘yung martial law babies and even ‘yung millennials na opposition ay sino ba ang i-prioritize sa criticisms between Sara and Bongbong? Sa tingin nila ang ipa-prioritize sa criticisms ay si Bongbong not Sara. So medyo malilibre si Sara and ‘yun ‘yung parang isa sa (mga) reasons na ayaw nilang maging vice ni Sara si Bongbong. Pero, on the other hand kung titingnan mo, no love lost,” aniya.

Kombinsido si Parreño na may kimkim na sama ng loob si Digong laban sa mga Marcos nang traydorin ang kanyang amang si Vicente noong 1967 elections nang matalo matapos ilaglag ni dating Pangulong Ferdinand Marcos bilang Davao congressional bet at inendoso ang katunggali niyang si Artemio Loyola.

Pinagsabong umano ni Marcos bilang presidente ng Nacionalista Party sina Vicente at Artemio na parehong miyembro ng partido.

Namatay aniya sa sama ng loob si Vicente matapos ang halalan.

“Doon sa libro ko actually ang ini-stress ko roon, isa sa mga passages ko roon ay may kinalaman doon sa decision na hindi suportahan ng Nacionalista Party si Vicente Duterte kaya natalo (ito). May kinalaman si Ferdinand Marcos kaya actually namatay ang tatay ni Digong dahil sa sama ng loob iyon, na trinaydor siya ng Nacionalista Party at ang leader ng Nacionalista Party ay si Ferdinand Marcos,” ani Parreño.

Binola lamang aniya ni Digong ang mga Marcos para gamitin ang boto ng Solid North noong 2016 presidential elections

“Ang solid north, noong panahong iyon ay Marcos, mahalaga sa boto niya iyon. Politics naman is always addition so winin-over niya iyon. Of course mga bola-bola na lang niya iyong ang laki ng tulong ng mga Marcos sa election. Ang pagkakaalam ko walang ibinigay na significant amount of money si Imee sa kanila. Maski tanungin mo ‘yung nagtrabaho, ‘yung core ng campaign na ‘yun, hindi significant ang amount na ibinigay ng mga Marcos sa kanila and yet publicly sinasabi ni Digong na malaki,” giit ni Parreño.

(ROSE NOVENARIO)

About Rose Novenario

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …