Wednesday , July 17 2024
Bulabugin ni Jerry Yap
Bulabugin ni Jerry Yap

Oras na… There will be an answer Leni be

BULABUGIN
ni Jerry Yap

‘YAN po ang bumaha sa newsfeed ng inyong lingkod kahapon.

                Kasunod nito, nagsalimbayan na ang mga bagay na kulay mapusyaw na rosas sa social media.

                Nagdesisyon na kasi si Vice President Leni Robredo na pumasok sa karerang pampangulohan sa darating na Mayo 2022.

                Kumbaga, umarangkada na!

                Sabi ng iba, ‘e sa pinagkahaba-haba raw ng pagdi-dilly dally ni Madam Leni, sa Sofitel din pala siya dederetso.

                Ang presidential race sa May 2022 ay lalabas na rematch sa pagitan nina VP Leni at ang tinalong si dating Senador Ferdinand “Bongbong” Marcos, Jr.

                Parang boksing lang — may rematch… he he he.

                Muling magtutunggali ang dalawa pero sa mas mataas na posisyon na.

                Alam nating kapwa may solid supporters sina VP Leni at dating senador Bongbong, kaya ang dapat na lang nilang ligawan ay ‘yung tinatawag na ‘silent majority.’

                Kung sino ang makatutumbok no’n sa dalawang presidential aspirants, tiyak na siya ang may tsansang magwagi.

                Pansamantala, mag-aliw muna tayo sa balitaktakan ng kani-kanilang supporters sa social media.

                Sa sabong, sa pula, sa puti. Sa Mayo 2022, sa mapusyaw na rosas ba o sa lumang rosas.

                Ang tanong lang, ganoon din kaya ang lalabas sa ‘tawas’ ng Smartmatic?


BERDE SASALIPAWPAW
AT LULUTANG SA SOFITEL

MAINGAY ang bulungan kahapon sa iba’t ibang ‘grapevines’ na may lulutang umanong berde o ‘luntian’ para makipagsabayan sa mapusyaw na rosas, lumang rosas, sa puti at bughaw, at sa iba pa.

                May nagsabi pang titiklop ang puti at bughaw, upang magparaya sa berde.

                Tiyak na maraming mag-aabang.

                Pero palagay natin ay may isang salita ang nagbabandila ng kulay berde. Nagsalita na siya at pumosisyon… hindi siya papalaot sa iiwanang puwesto ng erpat.

                Pero sabi nga, hangga’t hindi natatapos ang a-8 ng Oktubre at ang a-15 ng Nobyembre… marami pang puwedeng mangyari.

                Kumbaga hindi pa matining ang sitwasyon, at hindi pa klaro kung gaano katikas ang mga kabayo.

                Mas maraming presidential aspirants ay mas pabor sa mga kandidatong may solidong puwersa ng mga tagasuporta lalo na kung kabungguang balikat pa ang mga ‘smart’ at ‘may atik.’

                And there they go…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …