Thursday , March 28 2024
Joel Villanueva, Tesdaman

‘Tesdaman’ muling tatakbong senador sa 2022 elections

NAGPAHAYAG si Senador Joel “Tesdaman” Villanueva ng kanyang pagnanais na muling tumakbong senador para sa 2022 senatorial election.

Inihayag  ito ng mambabatas sa kanyang pagdalo sa launching ng Tulong Trabaho Scholarship Program.

Dumalo ang tinatayang 40,000 benepisaryo na pinaniniwalaang malaki ang maitutulong upang muling makabangon ang ekonomiya.

Ani Villanueva, tulad ng mga sundalong sinasanay ng pamahalaan bilang paghahanda sa gera, kailangan din ihanda ang mga manggagawa upang maging tuloy-tuloy ang pag-ahon at pagganda ng takbo ng ekonomiya.

Layon ng re-electionist na si Villanueva na makalikha ng mga karagdagang batas na magbibigay ng proteksiyon sa mga manggagawa.

Isusulong umano niya ang paglikha ng trabaho, pagbibigay ng sapat na edukasyon para sa bawat mamamayan, sapat at tamang serbisyo sa lahat ng mamamayan, dignidad ng bawat isa at pag-asenso ng bawat Filipino.

Si Villanueva ay nahalal noong 2016 bilang senador, pangalawa sa nangunang senador at nakakuha ng botong 18,459,222. Bago maihalal sa senado, nanungkulan bilang Director General ng TESDA mula 2010 hanggang 2015.

Ilan sa mga batas na kanyang pangunahing akda ang Doktor para sa Bayan, Work From Home law, Tulong Trabaho law, Job Safety and Health Standards, at  First-time Jobseekers Assistance Act.

Sa kasalukuyan, mayroong 500 panukalang batas ang naihain ni Villanueva simula nang siya ay umupong senador at 82 dito ay pawang naging ganap ng batas.

Dalawa rito ang malapit nang maging batas at  ito ang Magna Carta of Filipino Seafarers at Department of Migrant Workers and Overseas Filipino na inaasahang maipa­pasa ng kongreso bago matapos ang taon.

Si Villanueva ang pinaka­batang halal na mambabatas noong 2002 bilang kinatawan ng Citizens’ Battle Against Corruption (CIBAC).

At bukod sa kanyang hilig sa larong basketball, dalawang beses din siyang  naging kinatawan ng bansa sa naturang paligsahan.

 (NIÑO ACLAN)

About Niño Aclan

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …