Saturday , May 21 2022
baby milk bottle

Sanggol pinukpok ng tatay, patay (Ayaw tumahan)

ARESTADO ang isang 20-anyos tatay matapos mapaslang ang kanyang tatlong-buwang gulang na anak nang pukpukin ng bote ng gatas nang ayaw tumahan sa pag-iyak nitong Biyernes, 2 Oktubre, sa lungsod ng Cotabato, lalawigan ng Maguinda­nao.

Ayon kay P/Maj. Elexon Bona, commander ng Cotabato City Police Office precinct 2, dahil sa lakas ng pag-iyak ng bata sa kalalaliman ng gabi, nagtimpla ng gatas ang suspek na kinilalang si Mucher Repalda Flores.

Ngunit kahit may dinedede nang gatas, patu­loy pa din sa pag-iyak ang sanggol na nagtulak sa suspek upang paluin ang ulo ng bata ng bote ng gatas.

Samantala, nalaman ng ina ng sanggol ang nangyari nang gisingin siya ng kanyang kinaka­samang si Flores at uma­min sa nagawa niyang krimen.

Matapos makatanggap ng sumbong ang mga tauhan ng Cotabato City Police Station 1 na pinatay ng ama ang sariling anak, agad pinuntahan upang dakpin ang suspek sa kanyang bahay sa Brgy. Poblacion 4, sa nabanggit na lungsod.

Ayon sa mga kapit­bahay, kombinsido silang gumagamit si Flores ng ilegal na droga dahil sa pagbabago ng kanyang ugali at lagi umanong galit at aburido.

Samantala, pina­bu­laanan ito ni Flores at sinabing hindi niya sina­sadyang mapatay ang sariling anak at hindi umano siya lasing o nasa impluwensiya ng ilegal na droga.

Kasalukuyang nasa kustodiya ng pulisya ang suspek na sasampahan ng kaukulang kaso dahil sa nagawang pagpatay sa sariling anak.

About hataw tabloid

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

051922 Hataw Frontpage

Hirit sa Korte Suprema,
MARCOS, JR., ‘PAG NA-DQ, ROBREDO ILUKLOK NA PANGULO

ni ROSE NOVENARIO SI VICE PRESIDENT Leni Robredo ang dapat iluklok na ika-17 Pangulo ng …

P3-M Ketamine kompiskado sa Taiwanese

P3-M Ketamine kompiskado sa Taiwanese

ARESTADO ang isang Taiwanese national sa 600 gramo ng ketamine na aabot sa P3,000,000 ang …

The Women Club Nova Villa Tetchie Agbayani Tina Paner

The Woman Club ng Kapitana Media umaarangkada na

I-FLEXni Jun Nardo MAPAPANOOD na onboard ng Emirates at Philippine Airlines ang digi-film na The Women …

Taguig

Sariling eco bags hinikayat sa Taguig mobile market

NANAWAGAN ang local government unit (LGU) sa mga mamimili sa Mobile Market na magdala ng …