Wednesday , February 21 2024
100121 Hataw Frontpage

Robredo para 2022 presidente (Endoso ng 1Sambayan)

100121 Hataw Frontpage

ni ROSE NOVENARIO

NANAWAGAN si Vice President Leni Robredo sa publiko na samahan siyang magdasal para makapagpasya kung tatanggapin ang nominasyon sa kanya bilang 2022 presidential bet ng opposition coalition 1Sambayan.

“Mabigat ang hinihiling sa isang pangulo. Maraming responsibilidad at obligasyon ang dala nito — buhay at kinabukasan ng Filipino ang nakataya. Ang desisyon sa pagtakbo, hindi puwedeng nakabase sa ambisyon, o sa pag-udyok ng iba. Sa loob ito dapat manggaling, dala ng pagharap sa lahat ng konsiderasyon at malalim na pagsuri sa sitwasyon,” pahayag ni Robredo.

“Mulat tayo sa tungkulin natin, bilang pinuno at Filipino, at taimtim na pagninilay at pagdarasal ang ginagawa natin. Sa mga susunod na araw, samahan ninyo akong magdasal pa, that our decision will be what is best for our country,” aniya.

Nagpapasalamat si Robredo sa malaking karangalan na mapiling pambato sa 2022 presidential race gayondin sa suporta sa kanya ng iba’t ibang grupo.

“Nagpapasalamat ako sa nominasyon na ito ng 1Sambayan. Malaking karangalan ang tiwalang ipinagkaloob sa akin ng mga miyembro ng grupong ito.  Nagpapasalamat rin ako sa mga kababayan natin na these past weeks and months, have shown their overwhelming support sa atin,” giit niya.

Nauna rito’y sinabi ni 1Sambayan convenor at dating Supreme Court Senior Associate Justice Antonio Carpio na malabong tanggihan ni Robredo ang nominasyon ng 1Sambayan at inaasahan niya na tutugon agad ang Bise-Presidente sa lalong madaling panahon.

“I think it’s a very remote possibility that VP Leni will decline,” ani Carpio.

Si Robredo aniya ay kasalukuyang nasa Bicol.

Matatandaan, hinihimok si Robredo ng ilang politiko at grupo sa rehiyon na kumandidatong Camarines Sur governor.

Kaugnay nito, umaasa ang Magdalo Group na mahihikayat na si Robredo na lumahok sa 2022 presidential election sa endoso ng 1Sambayan

Tiniyak ni dating Sen. Antonio Trillanes IV, pinuno ng Magdalo Group ang buong suporta sa kandidatura ni Robredo dahil naniniwala ang grupo na maiaahon niya ang bansa mula sa ginawang pambababoy ni Pangulong Rodrigo Duterte.

“Now that the 1Sambayan has endorsed VP Leni, we hope that she would be encouraged to finally decide and run for president. We, in the Magdalo group, have been consistent in urging her to run as we believe in her capacity to save the country from the mess Duterte has put us into. If she decides to run, the Magdalo group would fully support her to ensure her win,” pahayag ni Trillanes.

About Rose Novenario

Check Also

SM, DOTr, break ground for EDSA Busway

SM, DOTr, break ground for EDSA Busway concourse
Commuters to have safer, more convenient transportation

SM Prime Holdings Inc., in partnership with the Department of Transportation (DOTr), led the groundbreaking …

Mr DIY 1

MR.DIY Philippines Marks 500th Store Milestone Event in Panglao, Bohol
Celebrating with a Store Grand Reveal, Media Round Table, and a Spectacular Motorcade

MR.DIY Philippines celebrated the grand opening of their Panglao, Bohol Branch with a festive and …

Mr DIY 1

Mr. DIY Philippines: Trailblazing the retail platform with 500 stores strong

The opening of the MR.DIY Panglao Branch represents a significant milestone as the 500th store …

Krystall Herbal FGO Fely Guy Ong

Kitchen helper tuwang-tuwa sa epekto ng Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          I’m Jennilyn …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …