Wednesday , July 24 2024
Raffy Tulfo

Idol Raffy hindi tatakbong VP

MARIING pinabulaanan ng broadcaster at sikat na vlogger na si Raffy “Idol” Tulfo ang mga kumakalat na balita na tatakbo siyang bise presidente sa 2022 elections at sinabing mataas ang kanyang respeto kay Pangulong Rodrigo Duterte.

Sinabi ni Raffy, may mga politiko, hindi niya pinangalanan, ang nag-alok sa kanya upang maging bise presidente nila sa eleksiyon, ngunit kaniya itong tinanggihan .

“Hindi po ako tatakbong bise presidente sa darating na halalan. May mga naghihikayat sa akin na maging (ka)tandem nila sa 2022 elections pero tinanggihan ko. I said no. Why? Mataas ang respeto ko kay PRRD. Kay Pangulong Duterte,” ani Tulfo.

“Wala po akong intensiyon na banggain siya sa darating na halalan,” dagdag niya, na ang tinutukoy ay ang plano ni Duterte na tumakbo sa 2022 elections bilang vice president.

Inamin ni Raffy na binanggit niya ang 16 million voters at 42 million, ngunit inilinaw na hindi niya ito subscribers, kundi ng ABS-CBN Entertainment na posibleng mag-clash sa 16 million voters ni President Duterte kung ang isyu ng ABS-CBN franchise ay buhayin sa susunod na taon.

“Kapag halimbawa nagkaroon ng referendum kunwari lang, there might be a clash between 16 million voters versus 36 million subscribers ng ABS-CBN, magka-clash. Iyon po ang sinabi ko,” pagkaklaro niya.

Ani Tulfo, inilinaw na niya ang isyu at humingi ng paumanhin sa kanyang mga kaibigan na certified at die-hard Duterte supporters, at sinabing ang kanilang nababasa sa social media ay misinformation lamang.

“After explaining to them, I apologized to them and I told them sorry kung kayo’y nakasagap ng misinformation. Matapos kong masabi iyon, naintindihan nila and they moved on,” aniya.

Dagdag ni Tulfo, wala siyang intensiyong bastusin ang 16 milyong botante ni President Duterte, dahil kabilang aniya siya sa naghalal sa punong ehekutibo bilang lider ng bansa noong 2016.

“In fact, ito pong mikroponong ito sa Wanted sa Radyo, ikinampanya ko po si President Duterte. I did and maraming nakaaalam niyan. So no disrespect sa 16 million voters ni President Duterte,” ani Tulfo.

“Sana, huwag na tayong magpakalat ng fake news para sa ikabubuti ng ating bayan,” pagtatapos ng broadcaster/vlogger.

About hataw tabloid

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Leave a Reply

Your email address will not be published. Required fields are marked *