Tuesday , February 7 2023
Philippine National Police Academy, PNPA

Kadete ng PNPA patay (Sinikmuraan ng upperclassman)

BINAWIAN ng buhay ang isang kadete ng Philippine National Police Academy (PNPA) sa bayan ng Silang, lalawigan ng Cavite, matapos suntukin sa tiyan ng kanyang upperclassman nitong Huwebes, 23 Setyembre.

Kinompirma ni P/Lt. Col. Louie Gonzaga, hepe ng PNPA public information office (PIO) ang pagkamatay ni Cadet 3rd Class Karl Magsayo ng PNPA Batch 2024.

Ayon sa ulat ng Silang municipal police nitong Biyernes, 24 Setyembre, nagtungo ang 21-anyos na si Magsayo at ang kanyang kaibigan sa silid ng suspek na kinilalang si Cadet 2nd Class Steve Cesar Maingat na limang beses sinikmuraan ang biktima hanggang nawalan ng malay, dakong 5:40 pm noong Huwebes.

Agad dinala si Magsayo sa ospital ngunit idineklarang dead on arrival dakong 6:43 pm.

Nasa kustodiya ng Silang police ang suspek na nakatakdang isailalim sa inquest proceedings ngayong Lunes, 27 Setyembre.

Samantala, bumuo si PNPA director P/Maj. Gen. Rhoderick Armamento ng special investigation group upang siyasatin ang insidente.

Gayondin, tinitiyak ni Gonzaga sa publiko at sa pamilya ng pumanaw na kadete, mahigpit nilang ipinatutupad ang anti-hazing policy.

Sa pagdalaw ni Chief PNP P/Gen. Guillermo Eleazar sa PNPA, ipinangako niya sa ina ni Magsayo na papanagutin ang suspek sa pagpanaw ng anak.

Si Magsayo ang pinakahuling kadeteng namatay sa loob ng PNPA.

Noong Hulyo 2020, dalawang kadeteng kabilang din sa PNPA Class of 2024 ang binawian ng buhay sa loob ng police academy na sina Cadet 4th Class Kenneth Ross Alvarado dahil sa heat stroke at Cadet 4th Class Jiary Jasen Papa dahil sa mababang potassium.

About hataw tabloid

Check Also

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …

Leave a Reply